കാശ്മീരില്‍ കലാപം

കശ്മീരില്‍ കലാപം പിന്നെയും തല പൊക്കുന്നു. വിദ്യാര്‍ത്ഥികളുമായി സൈനികര്‍ ഏറ്റുമുട്ടല്‍ തുടരുമ്പോള്‍ കോളേജുകള്‍, സര്‍വ്വകലാശാലകള്‍, ഉന്നത വിദ്യാഭ്യാസ സ്ഥാപനങ്ങള്‍ എന്നിവിടങ്ങളെല്ലാം വീണ്ടും അടച്ചു. ഏപ്രില്‍ 18 ന് നടക്കാനിരുന്ന പരീക്ഷകളെല്ലാം മാറ്റിയിട്ടുള്ളതായിട്ടാണ് ദേശീയ മാധ്യമങ്ങള്‍ പറയുന്നത്.

പുല്‍വാമ കോളേജില്‍ നടന്ന പോലീസ് നടപടിയില്‍ പ്രതിഷേധിച്ച വിദ്യാര്‍ത്ഥികളും സുരക്ഷാ ഉദ്യോഗസ്ഥരും തമ്മില്‍ ഏറ്റുമുട്ടിയ തിങ്കളാഴ്ച മുതലാണ് വീണ്ടും പ്രശ്‌നങ്ങള്‍ തുടങ്ങിയത്. 70 ലധികം വിദ്യാര്‍ത്ഥികള്‍ക്ക് പരിക്കേറ്റതായിട്ടാണ് വിവിധ മാധ്യമങ്ങള്‍ റിപ്പോര്‍ട്ട് ചെയ്തിരിക്കുന്നത്. പ്രതിഷേധക്കാരുടെ ചിത്രങ്ങള്‍ യുവാക്കള്‍ സാമൂഹ്യ മാധ്യമങ്ങളില്‍ പോസ്റ്റ് ചെയ്യുന്നത് തടയാന്‍ ഇന്റര്‍നെറ്റ് സൗകര്യങ്ങള്‍ അധികൃതര്‍ സസ്‌പെന്റ് ചെയ്തിരിക്കുകയാണ്. ഒരു ദിവസം മുഴുവന്‍ നീണ്ടു നിന്ന പ്രതിഷേധത്തിന് പിന്നാലെയാണ് ശ്രീനറില്‍ അക്രമം വീണ്ടും തലപൊക്കിത്തുടങ്ങിയിരിക്കുന്നത്.