പിണറായി സര്‍ക്കാരിന്റെ വീഴ്ചകള്‍ ചൂണ്ടിക്കാട്ടി പിബിക്ക് വി.എസ്സിന്റെ കത്ത്‌

സംസ്ഥാന സര്‍ക്കാരിന്റെ പ്രവര്‍ത്തനങ്ങള്‍ക്കെതിരെ മുതിര്‍ന്ന സിപിഎം നേതാവും ഭരണപരിഷ്‌കാര ചെയര്‍മാനുമായ വിഎ​സ് അ​ച്യു​താ​ന​ന്ദ​ൻ പൊളിറ്റ് ബ്യൂറോയ്‌ക്ക് കത്ത് നല്‍കി. ഇങ്ങനെ മുന്നോട്ട് പോയാല്‍ ശരിയാവില്ലെന്നാണ് വിഎസ് നല്‍കിയ കുറിപ്പിന്റെ ഉള്ളടക്കമെന്നാണ് റിപ്പോര്‍ട്ട്.

സം​സ്ഥാ​ന ഭ​ര​ണ​ത്തി​ൽ തി​രു​ത്ത​ലു​ക​ൾ അത്യാവശ്യമാണ്. നേരത്തെ സര്‍ക്കാരിനെതിരെ വിവാദങ്ങള്‍ ഉണ്ടാകുന്നത് ഭരണത്തിന്റെ അവസാന ഘട്ടത്തിലായിരുന്നുവെങ്കില്‍ ഇപ്പോള്‍ തന്നെ സ​ർ​ക്കാ​രി​നെ​തി​രെ ജ​ന​വി​കാ​രം ഉ​ണ്ടാ​യി​ കഴിഞ്ഞു. അനാവശ്യ വിവാദങ്ങള്‍ ഉയര്‍ന്നുവരുന്ന സാഹചര്യത്തില്‍ സംസ്ഥാന സര്‍ക്കാരിന്റെ ഭരണത്തില്‍ തിരുത്തല്‍ വേണമെന്നും കത്തില്‍ വ്യക്തമാക്കുന്നുണ്ട്. അഴിമതിക്കെതിരെ സര്‍ക്കാര്‍ നടപടികള്‍ ശക്തമാക്കണം. കേന്ദ്രകമ്മിറ്റി യോഗത്തില്‍ പങ്കെടുത്തശേഷമാണ് വിഎസ് അച്യുതാനന്ദന്‍ പൊളിറ്റ് ബ്യൂറോ അംഗങ്ങള്‍ക്ക് കുറിപ്പ് കൈമാറിയതെന്നാണ് പുറത്തുവരുന്ന റിപ്പോര്‍ട്ട്.