മണിയുടെ പ്രസ്താവന ശരിയായില്ലെന്ന് മുഖ്യമന്ത്രി

മന്ത്രി എം.എം മണിയുടെ വിവാദ പ്രസ്താവനയ്‌ക്കെതിരെ മുഖ്യമന്ത്രി പിണറായി വിജയന്‍ ഉള്‍പ്പെടെയുള്ള സഹപ്രവര്‍ത്തകര്‍ രംഗത്ത്. മണിയുടെ പ്രസ്താവന ശരിയായ നടപടിയല്ലെന്ന് മുഖ്യമന്ത്രി വ്യക്തമാക്കി.പൊമ്പിളൈ ഒരുമൈ പ്രവര്‍ത്തകര്‍ക്കെതിരെ മണി നടത്തിയ പരാമര്‍ശത്തില്‍ ദുഖിക്കുന്നുവെന്ന് സിപിഎം കേന്ദ്ര കമ്മറ്റി അംഗവും എം.പിയുമായ പി.കെ ശ്രീമതി പറഞ്ഞു. സമരത്തെ അനുകൂലിക്കാനായില്ലെന്നും അപമാനിക്കരുതെന്നും അവര്‍ പറഞ്ഞു. മന്ത്രി മണി പ്രസംഗിക്കുമ്പോള്‍ കൂടുതല്‍ ശ്രദ്ധിക്കേണ്ടിയിരുന്നു. മന്ത്രി മണിയുടെ പ്രസ്താവന അംഗീകരിക്കാന്‍ കഴിയില്ലെന്ന് സിപിഎം നേതാവ് ടി.എന്‍ സീമ പ്രതികരിച്ചു. മണിയുടെ വിവാദ പ്രസ്താവനയ്‌ക്കെതിരെ കോണ്‍ഗ്രസ് നേതാക്കളായ ബിന്ദുകൃഷ്ണയും ഷാനിമോള്‍ ഉസ്മാനും രംഗത്തെത്തിയിട്ടുണ്ട്.