അവസാനം പിണറായി അയയുന്നു:സെന്‍കുമാറിന്റെ പുനര്‍നിയമനം ഉടന്‍

സെന്‍കുമാറിനെ ഡിജിപിയായി പുനര്‍നിയമിച്ച് സുപ്രീംകോടതി വിധി നടപ്പാക്കാന്‍ സര്‍ക്കാര്‍ പ്രതിജ്ഞാ ബദ്ദരെന്ന് മുഖ്യമന്ത്രി പിണറായി വിജയന്‍.സുപ്രീംകോടതി വിധി അന്തിമമാണ്.വിധി നടപ്പാക്കാന്‍ ചീഫ്‌സെക്രട്ടറി നടപടി തുടങ്ങിയെന്ന് നിയമസഭയില്‍ പ്രതിപക്ഷത്തിന്റെ എം ഉമ്മര്‍ നല്‍കിയ അടിയന്തിര പ്രമേയ നോട്ടീസിനു മറുപടി നല്‍കി പിണറായി പറഞ്ഞു. സംസ്ഥാനത്ത് ആരാണ് ഡിജിപിയെന്ന് പറയാന്‍ കഴിയുമോ എന്ന് അടിയന്തിര പ്രമേയത്തിന് അനുമതി ആവശ്യപ്പെട്ട് ഉമ്മര്‍ ചോദിച്ചത്.ഡിജിപി യായി സെന്‍കുമാറിനെ പുനര്‍നിയമിക്കുന്നതിലും കോടതി വിധി നടപ്പാക്കുന്നതിലും സര്‍ക്കാര്‍ പരാജയപ്പെട്ടന്നും അദ്ദേഹം ചൂണ്ടിക്കാട്ട

അടിയന്തര പ്രമേയം അവതരിപ്പിച്ച എം. ഉമ്മറിനെതിരെ രൂക്ഷവിമര്‍ശനമാണ് മുഖ്യമന്ത്രി ഉന്നയിച്ചത്. ഇത്തവണ വളരെ പരിതാപകരമായാണ് ഉമ്മര്‍ വിഷയം അവതരിപ്പിച്ചതെന്ന് മുഖ്യമന്ത്രി പറഞ്ഞു. വിഷയത്തിന്റെ ഗൗരവമില്ലായ്മയാണ് ഇതിലൂടെ വെളിവാകുന്നതെന്നും മുഖ്യമന്ത്രി കുറ്റപ്പെടുത്തി. കോടതിയില്‍ ഇരിക്കുന്ന വിഷയം സഭയില്‍ ചര്‍ച്ച ചെയ്യുന്നതിന് പരിമിതിയുണ്ട്. സെന്‍കുമാര്‍ കേസിലെ സുപ്രീംകോടതി വിധിയിലെ മുഖ്യമന്ത്രിക്കെതിരായ പരാമര്‍ശം മുന്‍ മുഖ്യമന്ത്രിക്കെതിരെയാണെന്ന് പിണറായി വ്യക്തമാക്കി. ജനങ്ങളിലെ അസംതൃപ്തി കണക്കിലെടുത്താണ് സെന്‍കുമാറിനെ മാറ്റിയതെന്നും അദ്ദേഹം പറഞ്ഞു.