പഴയ അഞ്ച് പൗണ്ട് നോട്ട് വേഗം മാറിയെടുക്കൂ,വിനിമയം ശനിയാഴ്ച വരെ മാത്രം

യുകെ:പഴയ അഞ്ച് പൗണ്ട് നോട്ടിന്റെ വിനിമയം ശനിയാഴ്ച അവസാനിക്കാനിരിക്കെ കൈവശമുള്ള നോട്ടുകള്‍ ഉടന്‍ മാറിയെടുക്കാന്‍ യുകെ നിവാസികള്‍ക്ക് അധികൃതരുടെ നിര്‍ദ്ദേശം.ശനിയാഴ്ചയ്ക്കു ശേഷം പോസ്റ്റ് ഓഫീസ് ,ബില്‍ഡിംഗ് സൊസൈറ്റി,ബാങ്ക് എന്നിവടങ്ങളില്‍ നിന്നു മാത്രമേ അസാധുവാക്കപ്പെടുന്ന നോട്ടുകള്‍ മാറിയെടുക്കാന്‍ കഴിയൂ.കഴിഞ്ഞ വര്‍ഷം സര്‍ക്കാര്‍ പുറത്തിറക്കിയ ചര്‍ച്ചിലിന്റെ ചിത്രംആലേഖനം ചെയ്ത അഞ്ചു പൗണ്ട് നോട്ടുകള്‍ മാത്രമേ ഇനി വിനിമയത്തിനായി ഉപയോഗിക്കാനാകൂ.പോസ്റ്റ്ഓഫീസ് തീം മാറ്റം മൂലമുള്ള തിരക്കു കണക്കിലെടുത്ത് ബാങ്ക് ഓഫ് ഇംഗ്ലണ്ടിനെ നോട്ട് മാറിയെടുക്കുന്നതിന് ആശ്രയിക്കേണ്ടി വരും.അതു കൊണ്ട് പണം ഉടന്‍ ചിലവഴിക്കണമെന്നും നിര്‍ദ്ദേശമുണ്ട്.പോളിമര്‍ ഫോര്‍മാറ്റിലാണ് നോട്ടിന്റെ നിര്‍മ്മാണം.എന്നാല്‍ നോട്ട് നിര്‍മ്മാണത്തിനായി മൃഗക്കൊഴുപ്പ് ഉപയോഗിച്ചിട്ടുണ്ടെന്ന് ആക്ഷേപം ഉയര്‍ന്നിട്ടുണ്ട്.എന്നാല്‍ ചെറിയ അളവില്‍ മാത്രമേ മൃഗക്കൊഴുപ്പ് ഉപയോഗിച്ചിട്ടുള്ളു എന്ന വാദത്തില്‍ ഉറച്ചു നില്‍ക്കുന്ന ബാങ്ക് ഓഫ് ഇംഗ്ലണ്ട് നോട്ട് പിന്‍വലിക്കാന്‍ സാധിക്കില്ലാ എന്നറിയിച്ചു.പുതിയ നോട്ടിന്റെ വ്യാജന്‍ ഇറങ്ങിയെന്ന റിപ്പോര്‍ട്ടുകളും ബാങ്ക് ഓഫ് ഇംഗ്ലണ്ട് തള്ളി.അഥവാ വ്യാജന്‍ ഇറങ്ങിയാലും നോട്ടിലെ സുരക്ഷാ മാനദണ്ഡങ്ങള്‍ ഉപയോഗിച്ച് വ്യാജനെ എളുപ്പത്തില്‍ തിരിച്ചറിയാന്‍ കഴിയുമെന്നാണ് ബാങ്കിന്റെ വാദം