പ്രിയ മോദിജീ,”എന്റെ പ്രണയിനിയെ വിവാഹം കഴിക്കാന്‍ അങ്ങെന്നെ സഹായിക്കാമോ”?

എന്തിനുമേതിനും പ്രധാനമന്ത്രിയെ ആശ്രയിക്കുന്ന അവസ്ഥ.ചണ്ഡിഗഡ്ഢില്‍ മെക്കാനിക്കല്‍ എന്‍ജിനിയറിംഗ് വിദ്യാര്‍ത്ഥിയായ യുവാവാണ് പ്രണയം പൂവണിയാന്‍ പ്രധാനമന്ത്രിക്ക് കത്തയച്ചത്.നേഴ്‌സായ പെണ്‍കുട്ടിയുടെ രക്ഷിതാക്കളെ കാര്യങ്ങള്‍ പറഞ്ഞ് ബോധ്യപ്പെടുത്താന്‍ ഒരു വോളന്റിയറെ അയക്കണമെന്നാണ് യുവാവിന്റെ കത്തിലെ ആവശ്യം.ഇതൊരു നേരമ്പോക്കാണെന്നു കരുതിയവര്‍ക്ക് തെറ്റി. സര്‍ക്കാരിന്റെ പൊതു പരാതി സെല്ലുകള്‍ വഴി ഇത്തരത്തിലുള്ള നിരവധി ആവശ്യങ്ങളുമായാണ് ദിവസേന ജനങ്ങള്‍ എത്തുന്നത്.

പരാതി സെല്ലു വഴി നിസാരമായ നിരവധി ആവശ്യങ്ങളുമായി ജനങ്ങള്‍ സമീപിക്കുമ്പോള്‍ ഉദ്യോഗസ്ഥരുടെ മുഖത്തൊരു പുഞ്ചിരിയുണ്ട്.ഇതു വഴി വന്ന മറ്റൊരു പരാതിക്കാരന്റെ ആവശ്യം സംസ്ഥാന പൊലീസിന് കുറ്റകൃത്യങ്ങള്‍ റിപ്പോര്‍ട്ടു ചെയ്യപ്പെടുന്ന സ്ഥലങ്ങളില്‍ ഏറ്റവും വേഗത്തിലെത്തിച്ചേര്‍ന്‍ ഹെലിക്കോപ്ടര്‍ അനുവദിക്കണമെന്നാണ്.പ്രധാനമന്ത്രിയുടെ പരാതി പരിഹാര സെല്ലുവഴി ലഭ്യമാകുന്ന പരാതികളിലധികവും വ്യക്തിപരമാണ്.പ്രധാനമന്ത്രിയുടെ ഓഫീസിലേക്ക് നേരിട്ടെത്തുന്ന ഇത്തരം പരാതികള്‍ പരിഹരിക്കാന്‍ അതുമായി ബന്ധപ്പെട്ട സംസ്ഥാന അധികാരികള്‍ക്ക് കൈമാറുകയാണ് പതിവ്‌