പള്ളിയില്‍ നിന്ന് കാറോടിച്ച് വരുന്ന എലിസബത്ത് രാജ്ഞി…!

പള്ളിയില്‍ നിന്ന്എലിസബത്ത് രാജ്ഞി കാറോടിച്ച് വരുന്ന ചിത്രം ചര്‍ച്ചയാകുന്നു. ഡ്രൈവിങ് ലൈസന്‍സ് പോലുമില്ലാതിരുന്നിട്ടും 91 കാരിയായ രാജ്ഞി സ്വയം കാറോടിക്കാനുള്ള സന്നദ്ധയും ധൈര്യവും ഈ പ്രായത്തിലും പ്രകടിപ്പിച്ചുവെന്നതാണ് രാജ്ഞിയെ ശ്രദ്ധേയയാക്കുന്നത്. ബ്രിട്ടീഷ് രാജ്ഞി റോഡിലൂടെ സ്വയം കാറോടിച്ച് പോയെന്ന വാര്‍ത്ത അതുകൊണ്ടു തന്നെ ചര്‍ച്ചയാകുകയാണ്.

ഇന്നലെ സണ്‍ഡേ മോണിങ് സര്‍വീസിന് ശേഷമാണ് പച്ച നിറത്തിലുള്ള ജാഗ്വറില്‍ വിന്‍ഡ്‌സന്‍ പാര്‍ക്കിലെ റോയല്‍ ചാപ്പല്‍ ഓഫ് ആള്‍ സെയിന്റ്‌സില്‍ നന്നും ഇവര്‍ കൊട്ടാരത്തിലേക്ക് പോയത്. കൂടെ ഒരു സെക്യൂരിറ്റ് ഗാര്‍ഡ് മാത്രമേ രാജ്ഞിക്കൊപ്പമുണ്ടായിരുന്നുള്ളൂ. ബ്ല്യൂ സ്യൂട്ടും അതിനോട് യോജിക്കുന്ന തൊപ്പിയുമായിരുന്നു രാജ്ഞിയുടെ വേഷം. യുകെയിലെ ഡ്രൈവിങ് ലൈസന്‍സ് ഇഷ്യൂ ചെയ്യുന്നത് രാജ്ഞിയായതിനാല്‍ പ്രോട്ടോക്കോള്‍ പ്രകാരം രാജ്ഞിക്ക് ഡ്രൈവിങ് ലൈസന്‍സ് വേണ്ട. യുകെയില്‍ വണ്ടിയോടിക്കാന്‍ ലൈസന്‍സ് വേണ്ടാത്ത ഏക വ്യക്തിയുമാണ് രാജ്ഞി.