ഓസ്‌ട്രേലിയന്‍ പാര്‍ലമെന്റില്‍ ശിശുവിനെ മുലയൂട്ടി വനിതാ അംഗം

ഓസ്‌ട്രേലിയന്‍ പാര്‍ലമെന്റില്‍ വോട്ടെടുപ്പ് നടക്കുന്നതിടെ സെനറ്ററായ മാരിസ്സ വാട്ടേഴ്‌സ് തന്റെ നവജാത ശിശുവിനെ മുലയൂട്ടി. രണ്ടാമത്തെ കുഞ്ഞിനെ പ്രസവിച്ച ശേഷം ആദ്യമായാണ് വാട്ടേഴ്‌സ് ചൊവ്വാഴ്ച പാര്‍ലമെന്റില്‍ എത്തിയത്. രണ്ടു മാസം പ്രായമുള്ള മകള്‍ അലിയ ജോയിയേയും വാട്ടേഴ്‌സ് കൊണ്ടുവന്നിരുന്നു. പാര്‍ലമെന്റില്‍ അംഗങ്ങള്‍ക്ക് മൂലയൂട്ടാനുള്ള അവകാശം കഴിഞ്ഞ വര്‍ഷമാണ് സെനറ്റ് അനുവദിച്ചുനല്‍കിയത്. ഇത് പിന്നീട് അധോസഭയും അംഗീകരിച്ചിരുന്നു. കുഞ്ഞിനെ മുലയൂട്ടാന്‍ പാര്‍ലമെന്റ് നടപടികളില്‍ നിന്ന് വിട്ടുനില്‍ക്കുന്നത് ഒഴിവാക്കാനാണ് സര്‍ക്കാര്‍ ഇത്തരമൊരു തീരുമാനം എടുത്തത്. പാര്‍ലമെന്റില്‍ കൂടുതല്‍ അമ്മമാരും രക്ഷിതാക്കളും എത്തട്ടെയെന്നാണ് വാട്ടേഴ്‌സ് ഫേസ്ബുക്കില്‍ കുറിച്ചത്. ഇടത്പക്ഷ ഗ്രീന്‍പാര്‍ട്ടി അംഗമാണ് വാട്ടേഴ്‌സ്.