ഒന്ന്,രണ്ട്,മൂന്ന്,നാല്…………,ജസ്റ്റിസ് കര്‍ണ്ണന്റെ സാറ്റു കളി തുടരുന്നു!!

പൊലീസ് നാടു നീളെ ഓടി തളര്‍ന്നു.കോടതിയലക്ഷ്യക്കേസില്‍ സുപ്രീകോടതി ആറുമാസത്തെ തടവിനുത്തരവിട്ട ജസ്റ്റിസ് കര്‍ണ്ണനെ കണ്ടെത്താന്‍ കഴിഞ്ഞഇല്ല.കഴിഞ്ഞ ദിവസത്തെ കോടതി വിധിയെ തുടര്‍ന്ന് ജസ്റ്റിസ് കര്‍ണ്ണനെ പിടികൂടാന്‍ തമിഴ്‌നാട്ടിലെത്തിയ കൊല്‍ക്കത്ത പൊലീസ് സംഘത്തിന് തോറ്റു മടങ്ങേണ്ടി വന്നു.തുടര്‍ന്ന് ഇന്നലെ കൊല്‍ക്കത്ത പൊലീസും തമിഴ്‌നാട് പൊലീസും കര്‍ണ്ണന്‍ ആന്ധ്രയിലേ ശ്രീകാലാഹസ്തിയിലേക്ക് നീങ്ങിയിട്ടുണ്ടെന്ന റിപ്പോര്‍ട്ടുകളെതുടര്‍ന്ന് അവിടെയെത്തിയെങ്കിലും കണ്ടുപിടിക്കാനായില്ല.

സുപ്രീം കോടതി കര്‍ണ്ണനെതിരെ വിധി പറഞ്ഞ സമയത്ത് ചെന്നൈയിലേ സര്‍ക്കാര്‍ ഗസ്റ്റ് ഹൗസിലുണ്ടായിരുന്ന കര്‍ണ്ണന്‍ താമസ ചിലവ് പോലും നല്‍കാതെയാണ് അവിടെ നിന്ന് കടന്നു കളഞ്ഞത്. കോടതിവിധി മറികടക്കാന്‍ രാഷ്ട്രപതി പ്രണാബ് മുഖര്‍ജിയുമായി കൂടിക്കാഴ്ച നടത്താനാണ് ജസ്റ്റിസ് കര്‍ണ്ണന്റെ പദ്ധതിയെന്നാണ് വാര്‍ത്താ മാധ്യമങ്ങള്‍ പുറത്തു വിടുന്ന വാര്‍ത്ത.ആദ്യമായാണ് പദവിയിലിരിക്കുന്ന ഒരു ജഡ്ജി കോടതിയലക്ഷ്യത്തിനു ശിക്ഷികകപ്പെടുന്നത്.രാജ്യത്തെ പ്രമുഖ ജഡ്ജിമാര്‍ക്കും അഭിഭാഷകര്‍ക്കുമെതിരെ അഴിമതി ആരോപണമുന്നയിച്ച് കേന്ദ്ര നിയമ വകുപ്പിനും പ്രധാനമന്ത്രിയുടെ ഓഫീസിനും കര്‍ണ്ണന്‍ കത്തയച്ചിരുന്നു.തുടര്‍ന്നാണ് കോടതിയലക്ഷ്യത്തിന് കര്‍ണ്ണനെതിരെ കേസെടുത്തിരിക്കുന്നത്‌