വേദനയറിയാതിരിക്കാന്‍ ഒറ്റ ഗുളിക,ഐ എസിന് ഇന്‍ഡ്യയില്‍ നിന്ന് വേദനസംഹാരി

പരിക്കേറ്റവര്‍ക്ക് വേദനയറിയരുത്.സുഖമായി ഉറങ്ങണം.ലോക രാജ്യങ്ങളെ ഭീതിയിലാഴ്തി ഹരം കൊള്ളുന്ന ഇസ്ലാമിക് സ്റ്റേറ്റിന്റെ ഭീകര്‍ര്‍ക്ക് പരിക്കേറ്റാല്‍ മരുന്നിനോ ചികില്‍സയ്‌ക്കോ പണമില്ല.ഈ അവസ്ഥയിലാണ് പുതിയ കളിയുമായി ഐ എസ് ഇറങ്ങിയിരിക്കുന്നത്.ആക്രമണങ്ങളില്‍ പരിക്കേല്‍ക്കുന്നവര്‍ക്ക് സുഖമായി ഉറങ്ങാന്‍ ഇന്‍ഡ്യയില്‍ നിന്ന് ട്രമഡോള്‍ എന്ന വേദന സംഹാരി ലിബിയയിലേ ഐ എസ് കേന്ദ്രങ്ങളിലേക്ക് കടത്തുന്നതിനിടയില്‍ പിടികൂടി.7.5 കോടി രൂപ രാജ്യാന്തര വിപണയില്‍ വില വരുന്ന മൂന്നരക്കോടി ഗുളികകളാണ് ഇറ്റലിയില്‍ വെച്ച് പിടിച്ചത്.

പുതപ്പുകളും ഷാമ്പുവുമാണന്ന് തെറ്റിദ്ധരിപ്പിച്ച് മൂന്നു കണ്ടൈയ്‌നറുകളിലായാണ് ഗുളികകള്‍ ഒളിപ്പിച്ചത്.ഭീകരര്‍ വേദനസംഹാരിയായി വ്യാപക തോതില്‍ ട്രമഡോള്‍ ഉപയോഗിച്ചിരുന്നു.ഒരു ഇന്‍ഡ്യന്‍ കമ്പനിയാണ് അനധികൃതമായി ദുബായില്‍ നിന്ന് വ്യാപകമായ രീതിയില്‍ ഗുളികകള്‍ വാങ്ങി കടത്തുന്തിന് കൂട്ടു നിന്നതെന്ന് ഗുളികകള്‍ പിടിച്ചെടുത്ത ഇറ്റാലിയന്‍ പൊലീസ് കണ്ടെടുത്തിട്ടുണ്ട്.

ഗുളികകളുണ്ടായിരുന്ന കപ്പല്‍ ആദ്യം ഇന്‍ഡ്യയില്‍ നിന്ന് ശ്രീലങ്കയിലേക്കും ,തുടര്‍ന്ന് ലിബിയയിലേക്കുമുള്ള യാത്രാ മധ്യേയാണ് ഇറ്റലിയില്‍ പിടികൂടിയത്.ബോക്കോ ഹറാം ഭീകരരും ട്രമഡോള്‍ വ്യാപകമായ രീതിയില്‍ ഉപയോഗിച്ചിരുന്നു.രണ്ടു ഡോളറാണ് മരുന്നിന്റെ വില.വിശപ്പും ക്ഷീണവും വേദനയും പമ്പ കടക്കുമെന്നാണ് ട്രമഡോളിന്റെ പ്രത്യേകത