സിക വൈറസ്‌ : അടിയന്തരാവസ്ഥ പ്രഖ്യാപിച്ച് ബ്രസീല്‍

ലോകമെങ്ങും സികയുടെ ഭീഷണി വര്‍ദ്ധിക്കുമ്പോള്‍ സിക വൈറസിനെ രാജ്യത്ത് നിന്ന് പൂര്‍ണ്ണമായും തുടച്ചു നീക്കാനുള്ള പ്രവര്‍ത്തനങ്ങള്‍ വിപുലമാക്കി ബ്രസീല്‍. 2015 മുതല്‍ ബ്രസീല്‍ നടത്തുന്ന പ്രവര്‍ത്തനങ്ങള്‍ രാജ്യത്ത് സിക ബാധിതരുടെ എണ്ണം കുറയ്ക്കാന്‍ സഹായിച്ചിട്ടുണ്ട്. എന്നാല്‍ 2017ഓടെ സികയെ പൂര്‍ണ്ണമായും ഇല്ലാതാക്കാനുള്ള പദ്ധതി ദേശീയ അടിയന്തര കാര്യമായി പ്രഖ്യാച്ചിരിക്കുകയാണ്. ലോക ആരോഗ്യ സംഘടനയുടെ പിന്തുണയും ഈ ദൗത്യത്തില്‍ ബ്രസീലിനുണ്ട്.

2016 ജനുവരി-ഏപ്രില്‍ കാലഘട്ടത്തില്‍ 170535 പേര്‍ക്കാണ് സിക ബാധിച്ചത്. 2017 ആയതോടെ 7911 പേര്‍ എന്ന കണക്കിലേയ്ക്ക് രോഗ ബാധിതരുടെ എണ്ണം കുറഞ്ഞു. ഇത് ബ്രസീലിന്റെ കൃത്യമായ നടപടികളുടെ ഫലമാണെന്ന് രോഗാരോഗ്യ സംഘടന പറഞ്ഞു. സിക ബാധിച്ചാല്‍ പിന്നീടുണ്ടാകുന്ന കുട്ടികള്‍ ബുദ്ധിമാന്ദ്യം ഉള്ളവരാകും. ഒരു തലമുറയെ സംരക്ഷിക്കുക എന്നതാണ് ബ്രസീല്‍ മുന്നോട്ട് വെയ്ക്കുന്ന ആവശ്യം.