പി.ചിദംബരത്തിന്റേയും മകന്‍ കാര്‍ത്തിയുടേയും വീടുകളില്‍ സി.ബി.ഐ റെയ്ഡ്

മുന്‍ കേന്ദ്രമന്ത്രിയും കോണ്‍ഗ്രസ് നേതാവുമായ പി.ചിദംബരത്തിന്റേയും മകന്‍ കാര്‍ത്തി ചിദംബരത്തിന്റേയും വീടുകളിലും സ്ഥാപനങ്ങളിലും സി.ബി.ഐ റെയ്ഡ്.പീറ്റര്‍ മുഖര്‍ജിയുടേയും ഭാര്യ ഇന്ദ്രാണിയുടെയും ഉടമസ്ഥതയിലുള്ള ഐഎന്‍എക്‌സ് മീഡിയയ്ക്ക് ഫോറിന്‍ ഇന്‍വെസ്റ്റ്‌മെന്റ് പ്രൊമോഷന്‍ ബോര്‍ഡിന്റെ ചട്ടം ലംഘിച്ച് അനുമതി നല്‍കിയതുമായി ബന്ധപ്പെട്ട് കാര്‍ത്തി ചിദംബരത്തിനെതിരെ കേസ് രജിസ്റ്റര്‍ ചെയ്തതിനു പിന്നാലെയാണ് റെയ്ഡ്. 2007-2008 കാലഘട്ടത്തിലാണ് കാര്‍ത്തിയും ഐഎന്‍എക്‌സും മീഡിയയും തമ്മിലുള്ള ഇടപാട് നടന്നത്. ഡല്‍ഹി, മുംബൈ, ഗുഡ്ഗാവ്, ചെന്നൈ അടക്കം 14 കേന്ദ്രങ്ങളില്‍ രാജ്യവ്യാപകമായാണ് റെയ്ഡ് നടക്കുന്നത്.