അച്ഛാ എന്നെ സഹായിക്കൂ,ആ കുഞ്ഞ് ഹൃദയം പൊട്ടി കരഞ്ഞു

ക്യാന്‍സര്‍ കവര്‍ന്നെടുത്ത ജീവിതം തിരിച്ചു പിടിക്കാന്‍ പണം തന്ന് സഹായിക്കാന്‍ ഒരു കൊച്ചു പെണ്‍കുട്ടി തന്റെ അച്ഛനോട് കേണപേക്ഷിക്കുന്ന വീഡിയോ വൈറലായി.വിജയവാഡാ സ്വദേശിനിയായ സായിശ്രീയുടെ അച്ഛന്റെ കൈയ്യില്‍ അവളെ ചികില്‍സിക്കാന്‍ ആവശ്യത്തിന് പണമുണ്ടായിരുന്നു.പക്ഷെ ഹൃദയശൂന്യനായ അയാള്‍ മിനക്കെട്ടില്ല.

അച്ഛാ വീടു വിറ്റായാലും എന്നെ ചികില്‍സിക്കണേയെന്ന് ആ കുഞ്ഞ് കേണപേക്ഷിച്ചെങ്കിലും അച്ഛന്റെ മനസ് ഇളകിയില്ല.വിജയവാഡാ സ്വദേശിയായ പതിമൂന്നു വയസുള്ള പെണ്‍കുട്ടി അച്ഛനോട് സഹായമഭ്യര്‍ത്ഥിക്കുന്ന വീഡിയോ വൈറലായതോടെ ബാലാവകാശ സമിതി പൊലീസ് കേസെടുത്തു.

അച്ഛന്‍ ഷെട്ടി ശിവകുമാറും സുമയും പിരിയും കഴിയുകയായിരുന്നു.ഇതിനിടയിലാണ് സായിശ്രീയ്ക്ക് അര്‍ബുദം സ്ഥിരീകരിച്ചത്.മജ്ജ മാറ്റിവെക്കല്‍ മാത്രമാണ് പോം വഴിയെന്ന് ഡോക്ടര്‍മാര്‍ നിര്‍ദ്ദേശിച്ചു. മകളുടെ പേരിലുള്ള വീട് വില്‍ക്കാന്‍ ശ്രമിച്ചെങ്കിലും ഷെട്ടി തടഞ്ഞു.30 ലക്ഷം രൂപ സുമ സ്വന്തമായി കണ്ടെത്തി ചികില്‍സിക്കാന്‍ ശ്രമിച്ചെങ്കിലും ഫലമുണ്ടായില്ല.

മകള്‍ അച്ഛനോട് കേണപേക്ഷിക്കുന്ന ദൃശ്യങ്ങള്‍ വാട്‌സ്അപ് വഴി അയച്ചത് പിന്നീട് സാമൂഹ്യമാധ്യമങ്ങളില്‍ വൈറലാകുകയായിരുന്നു