രാജ്യാന്തര കോടതിവിധി അംഗീകരിക്കില്ലെന്നു പാകിസ്താന്‍

കുല്‍ഭൂഷണ്‍ ജാദവിന്റെ വധശിക്ഷ സ്‌റ്റേ ചെയ്ത രാജ്യാന്തര നീതിന്യായ കോടതി വിധി അംഗീകരിക്കില്ലെന്നു പാകിസ്താന്‍. ജാദവ് കേസില്‍ ഇന്ത്യ കോടതിയില്‍ യഥാര്‍ഥ വസ്തുത മറച്ചുവച്ചതായി പാക് വിദേശകാര്യ വക്താവ് നഫീസ് സകാരിയ പറഞ്ഞു. വിധി അംഗീകരിച്ചാല്‍ രാജ്യത്തിന്റെ സുരക്ഷയെ ബാധിക്കും എന്നതിനാലാണ് ഇങ്ങനെ ഒരു തീരുമാനം എടുത്തതെന്നാണ് പാക് വൃത്തങ്ങള്‍ പറയുന്നത്.

പാക് പട്ടാള കോടതിയാണു ചാരവൃത്തി ആരോപിച്ച് ജാദവിനെ വധശിക്ഷയ്ക്കു വിധിച്ചത്. ഹേഗിലെ കോടതി ഇന്ത്യയുടെയും പാകിസ്താന്റെയും വാദങ്ങള്‍ കേട്ടിരുന്നു. ജാദവ് ഇന്ത്യന്‍ ചാരനാണെന്നു തെളിയിക്കുന്ന ശക്തമായ തെളിവുകള്‍ കോടതിയില്‍ ഹാജരാക്കുമെന്നു നഫീസ് സകാരിയ ആവര്‍ത്തിച്ചു. ഒരു ടിവി ചാനലിന് നല്‍കിയ അഭിമുഖത്തിലാണ് ഇക്കാര്യം നഫീസ് വ്യക്തമാക്കിയത്.