ഗുരുവായൂര്‍ ക്ഷേത്രം ബോംബ് വച്ചു തകര്‍ക്കുമെന്ന് ഭീഷണിപ്പെടുത്തിയയാള്‍ അറസ്റ്റില്‍

ഗുരുവായൂര്‍ ക്ഷേത്രം ബോംബ് വച്ചു തകര്‍ക്കുമെന്ന് ഭീഷണിപ്പെടുത്തിയയാള്‍ അറസ്റ്റില്‍. ആലുവ തോട്ടപ്പടി സ്വദേശി ജോസഫാണ് അറസ്റ്റിലായത്. ശനിയാഴ്ച രാവിലെ 8.15 നു ക്ഷേത്രം ഓഫിസിലെ ലാന്‍ഡ് ഫോണിലേക്കാണു ഭീഷണി സന്ദേശമെത്തിയത്.

രാജീവ് ഗാന്ധി വധിക്കപ്പെട്ട മാതൃകയില്‍ സ്ത്രീയെ ഉപയോഗിച്ചായിരിക്കും ബോംബാക്രമണമെന്നും വിളിച്ചയാള്‍ ഭീഷണിപ്പെടുത്തി. ധീവരസഭ തീവ്ര ഗ്രൂപ്പില്‍പെട്ടതാണെന്നു പരിചയപ്പെടുത്തിയ ആളാണു വിളിച്ചത്. ഭീഷണി സന്ദേശം കിട്ടിയ ഉടനെ മാനെജര്‍ ക്ഷേത്രം അഡ്മിനിസ്ട്രേറ്ററെയും പൊലീസിനെയും വിവരമറിയിച്ചു. തുടര്‍ന്ന് തൃശൂര്‍ ജില്ലാ ബോംബ് സ്‌ക്വാഡും പൊലീസും ക്ഷേത്രത്തില്‍ പരിശോധന നടത്തി. മുന്‍പും ഗുരുവായൂര്‍ ക്ഷേത്രത്തിനു ബോംബു ഭീഷണി ഉണ്ടായിട്ടുണ്ട്. ക്ഷേത്രം ബോംബിട്ടു തകര്‍ക്കുമെന്ന് 2015 ജൂലൈയിലായിരുന്നു ഒടുവിലത്തെ സന്ദേശം. 24 മണിക്കൂറിനകം ക്ഷേത്രം തകര്‍ക്കുമെന്നു ഗുരുവായൂര്‍ സിഐയുടെ ഫോണിലേക്കാണ് ഭീഷണി എത്തിയത്.