ബാലിസ്റ്റിക് മിസൈല്‍ പരീക്ഷിച്ചതായി ഉത്തര കൊറിയ

ഉത്തര കൊറിയ ഞായറാഴ്ച ബാലിസ്റ്റിക് മിസൈല്‍ പരീക്ഷിച്ചുവെന്ന് ദക്ഷിണ കൊറിയയുടെ ആരോപണം പ്യോങ്ഗ്യാങ് സ്ഥിരീകരിച്ചു. മധ്യദൂര ബാലിസ്റ്റ് മിസൈല്‍ ആണ് വിജയകരമായി പരീക്ഷിച്ചതെന്നും അത് സൈനിക ആവശ്യത്തിന് സജ്ജമാണെന്നും ഉത്തര കൊറിയന്‍ ദേശീയ മാധ്യമം തിങ്കളാഴ്ച റിപ്പോര്‍ട്ട് ചെയ്തു. മിസൈല്‍ പരീക്ഷണത്തിന് ഭരണാധികാരി കിം ജോങ് ഉന്‍ സാക്ഷിയായിരുന്നുവെന്നും മാധ്യമ റിപ്പോര്‍ട്ടില്‍ പറയുന്നു. രാജ്യാന്തര വിലക്കുകള്‍ നിലനില്‍ക്കുന്നതിനിടെയാണ് ഉത്തര കൊറിയ വീണ്ടും മിസൈല്‍ പരീക്ഷണം നടത്തുന്നത്. ഇതോടെ ഉത്തര കൊറിയയ്ക്കു മേല്‍ യു.എന്‍ കൂടുതല്‍ ശക്തമായ ഉപരോധങ്ങള്‍ കൊണ്ടുവന്നേക്കുമെന്നും സൂചന.