കൊച്ചി മെട്രോയ്ക്ക് ബീന കണ്ണന്റെ പാര…!

ഉദ്ഘാടനത്തിന് തയ്യാറായ കൊച്ചി മെട്രോയ്ക്ക് തടയിടാന്‍ ശീമാട്ടിയും ഉടമയായ ബീനാകണ്ണനും ശ്രമിക്കുന്നതായി റിപ്പോര്‍ട്ടുകള്‍. സെന്റിന് 80 ലക്ഷം രൂപ വിലയ്ക്ക്‌ കൊച്ചി മെട്രോയ്ക്ക് വേണ്ടി ബീനാ കണ്ണനില്‍ നിന്നും സര്‍ക്കാര്‍ സ്ഥലം ഏറ്റെടുത്തിരുന്നു. അന്നത്തെ കളക്ടര്‍ രാജമാണിക്യത്തിന്റെ നിര്‍ദ്ദേശത്തോടെയാണ് ഈ കരാര്‍ ഉണ്ടാക്കിയത്. എന്നാല്‍ ഈ കരാര്‍ നിലനില്‍ക്കില്ലെന്നാണ് സര്‍ക്കാറിന് ലഭിച്ച നിര്‍ദ്ദേശം. നിലവിലെ വ്യവസ്ഥകള്‍ മാറ്റി സെന്റിന് 52 ലക്ഷം രൂപ മാത്രമേ നല്‍കാന്‍ സാധിക്കുകയുള്ളൂ എന്നാണ് സര്‍ക്കാര്‍ നിലപാട്‌. അതുകൊണ്ട് തന്നെ നിലവിലെ കരാര്‍ റദ്ദാക്കി പുതിയ കരാറില്‍ ഒപ്പിടണമെന്ന ആവശ്യം റവന്യൂ വകുപ്പ് മുന്നോട്ടു വെച്ചിരുക്കുകയാണ്‌.

ഇത് സംബന്ധിച്ച് ബീനാ കണ്ണന് അഡീഷണല്‍ സെക്രട്ടറി കത്തു നല്‍കിയെങ്കിലും പുതിയ തീരുമാനത്തെ അംഗീകരിക്കില്ലെന്ന നിലപാടിലാണ് അവര്‍. അതുകൊണ്ട് തന്നെ 80 ലക്ഷം തന്നെ ലഭിക്കണമെന്ന് കാണിച്ച് ഹൈക്കോടതിയെ സമീപിക്കാന്‍ ഒരുങ്ങുകയാണ് ബീനാ കണ്ണന്‍. ഇവര്‍ നിയമ യുദ്ധം തുടങ്ങിയാല്‍ കേരളത്തിന്റെ സ്വപ്‌നമായ കൊച്ചി മെട്രാ ഉദ്ഘാടനം പ്രതിസന്ധിയിലാകുമെന്നാണ് പുറത്ത് വരുന്ന റിപ്പോര്‍ട്ടുകള്‍.

ശീമാട്ടിയുമായുള്ള ഭൂമി ഇടപാടിനെ കുറിച്ചുള്ള വിവരങ്ങളുടെ നിജസ്ഥിതി തേടി കൊച്ചി സ്വദേശി ധന്‍രാജ് സുഭാഷ് ചന്ദ്രന്‍ നല്‍കിയ വിവരാവകാശ അപേക്ഷയില്‍ ലഭിച്ച മറുപടിയിലാണ് ശീമാട്ടി ഭൂമിക്ക് 80 ലക്ഷം വെച്ചു ലഭിക്കാന്‍ ഹൈക്കോടതിയെ സമീപിക്കാന്‍ ഒരുങ്ങുന്നു എന്ന വിവരം ലഭിച്ചത്.