കത്തിയും രക്തവും തടവുകാരാക്കിയവര്‍ക്ക് ഇനി അതു വേണ്ട,ജയിലില്‍ മാടുകളെ അറക്കില്ല?

ജയിലിനുള്ളില്‍ കശാപ്പ് നടത്തുന്നതിനോട് തനിക്ക് യോജിപ്പില്ലെന്ന് ജയില്‍ ഡിജിപി ആര്‍ ശ്രീലേഖ.കത്തിയും രക്തവും തടവുകാരാക്കിയവരെ ഇനി അതിലേക്കു നയിക്കുന്നതു ശരിയല്ലെന്നും അതിനാല്‍ ജയിലില്‍ മാംസ ഭക്ഷണമായി കോഴിയും മുട്ടയും നല്‍കുന്നതിനുമുള്ള നടപടി സ്വീകരിക്കാനൊരുങ്ങുകയാണ് ഡിജിപി. നെട്ടുകാല്‍ത്തേരിയിലെ തുറന്ന ജയിലില്‍ നിന്നാണ് സെന്‍ട്രല്‍ ജയിലില്‍ നിന്നുള്ളമാംസ വില്പന.പശുവും കോഴിയും ആടുമൊക്കെ ഇവിടെ വളര്‍ത്തുന്നുണ്ട്.എന്നാല്‍ മാംസാഹാരത്തിനായി ഇവയെ കൊല്ലുന്നത് വീണ്ടും ക്രൂരത വളര്‍ത്താന്‍ ഇടയുണ്ട്.നെട്ടുകാല്‍ത്തേരിയിലെ താറാവു ഫാം ഉദ്ഘാടനം ചെയ്യുമ്പോഴാണ് ഡിജിപി തന്റെ അഭിപ്രായം തുറന്നു പറഞ്ഞത്.

മാംസത്തിനായി താറാവിനെ കൊല്ലുന്നതുപോലും ഒഴിവാക്കാനാണ് ആണ്‍താറാവുകളെ ഒഴിവാക്കി മുട്ടത്താറാവെന്ന ആശയത്തിലെത്തിയതെന്നും ഡിജിപി പറയുന്നു.