മേയുടെ ഭാവി അറിയാന്‍ മണിക്കൂറുകള്‍ ബാക്കി

തിരഞ്ഞെടുപ്പിലേക്ക് എടുത്ത ചാടിയ തെരേസാ പുറത്തു പോയേക്കുമെന്നുള്ള റിപ്പോര്‍ട്ടുകളാണ് ബ്രിട്ടനില്‍ നിന്നുള്ള ആദ്യ ഫല സൂചനകളനുസരിച്ച് ുറത്തു വരുന്നത്.ഇതു വരെ ഫലം പുറത്തു വന്ന 18 സീറ്റില്‍ 13 ഉം ലേബര്‍ പാര്‍ട്ടിയ്ക്ക് അനുകൂലമാണ്.എക്‌സിറ്റ് ഫലങ്ങള്‍ കണ്‍സര്‍വേറ്റീവുകള്‍ക്ക് അനുകൂലമാണെങ്കിലും എന്തു സംഭവിക്കാമെന്ന സ്ഥിതിയിലാണ് ഇപ്പോള്‍ പാര്‍ട്ടി.

ഇന്‍ഡ്യന്‍ സമയം പത്തു മണിയോടെ ഫലങ്ങള്‍ പൂര്‍ണമായും പുറത്തു വരും

കഴിഞ്ഞ തവണത്തെ സീറ്റു നില ഒറ്റനോട്ടത്തില്‍

കഴിഞ്ഞ തവണയും ആദ്യ ഫല സൂചനകളില്‍ ലേബര്‍ പാര്‍ട്ടി മുന്നിലായിരുന്നെങ്കിലും ഗ്രാമങ്ങള്‍ കണ്‍സര്‍വേറ്റീവുകളെ അധികാരത്തിലെത്തിച്ചു അന്ന് കണ്‍സര്‍വേറ്റീവ് പാര്‍ട്ടിയ്ക്ക് 36.8% വോട്ടുകളോടെ 330 സീറ്റുകള്‍ ലഭിച്ച് മേ അധികാരത്തിലെത്തി.ലേബര്‍ പാര്‍ട്ടിയ്ക്ക് അന്ന് 30.4% വോട്ടുകളോടെ നേടാനായത് വെറും 232 സീറ്റുകളാണ്.സ്‌കോട്ടിഷ് നാഷണല്‍ പാര്‍ട്ടി അന്ന് 56 സീറ്റുകള്‍ നേടി.4.7% വോട്ടുകളും.ലിബറല്‍ ഡെമോക്രാറ്റിക് പാര്‍ട്ടിയാകട്ടെ 7.9% വോട്ടുകളോടെ നേടിയത് വെറും 8 സീറ്റുകളും.

നിലവിലെ സ്ഥിതി

ജനപ്രിയത കുറഞ്ഞ മേയുടെ കണ്‍സര്‍വേറ്റീവ് പാര്‍ട്ടിയ്ക്ക് വോട്ടുകളുടെ ശതമാനത്തില്‍ കേവലം രണ്ടു ശതമാനം കുറഞ്ഞാല്‍ പോലും പണിയാണ്.സുരക്ഷിതമായൊരവസ്ഥയിലല്ല കണ്‍സര്‍വേറ്റീവുകള്‍.ലേബര്‍ പാര്‍ട്ടിയാകട്ടെ കൈയ്യിലുള്ളത് നഷ്ടപ്പെടാതെ കൂടുതല്‍ നേടാനുള്ള സാധ്യതയും വളരെ കൂടുതലാണ്.ചെറിയൊരു കാറ്റു പോലും മേയുടെ കസേരയെ ഇളക്കാം എന്നാണ് രാഷ്ട്രീയ നിരീക്ഷകരുടെ വിലയിരുത്തല്‍.