ക്രെഡിറ്റ് കാര്‍ഡ് ഉപയോഗിച്ച് തട്ടിപ്പ് മലയാളിക്ക് നഷ്ടമായത് ഒരു ലക്ഷം

ക്രെഡിറ്റ് കാര്‍ഡ് ഉപയോഗിച്ച് വന്‍ തട്ടിപ്പ്. കോലഞ്ചേരി പൂതൃക്ക നടുവിലെ വീട്ടില്‍ ജോജിയുടെ ഒരു ലക്ഷം രൂപ നഷ്ടപ്പെട്ടു. മേയ് 19ന് പുലര്‍ച്ചെ രണ്ടിനും നാലിനുമിടയിലാണ് ജോജി വര്‍ഗീസിന്റെ എച്ച്.ഡി.എഫ്.സി. ബാങ്ക് അക്കൗണ്ടില്‍നിന്ന് 95,405 രൂപ നഷ്ടമായത്. ഹൈപേ വാലറ്റ് ഡോട്ട്‌കോം എന്ന രാജ്യാന്തര കമ്പനിയിലേക്ക് 29018.18രൂപയുടെ രാജ്യാന്തര ഇടപാടും എയര്‍ടെല്‍ ടോട്ട് ഇന്‍ എന്ന കമ്പനിയിലേക്ക് 2000 രൂപയുടെ 33 ഇടപാടുകളുമാണു മണിക്കൂറുകള്‍ കൊണ്ട് നടന്നത്. ബാംഗ്ലൂരില്‍ ബിസിനസുകാരനാണ് ജോജി വര്‍ഗീസ്‌.

പുലര്‍ച്ചെ അഞ്ചിന് എച്ച്.ഡി.എഫ്.സി. ബാങ്കിന്റെ കസ്റ്റമര്‍ കെയറില്‍നിന്നു ''താങ്കള്‍ ഷോപ്പിംഗ് നടത്തുകയാണോ'' എന്നു ചോദിച്ച് ഫോണ്‍കോളെത്തി. താന്‍ ഉറങ്ങുകയാണെന്നുമറുപടി പറഞ്ഞതോടെ താങ്കളുടെ കാര്‍ഡുപയോഗിച്ച് ഷോപ്പിങ് നടക്കുന്നുണ്ടെണ്ടന്ന് കസ്റ്റമര്‍ കെയര്‍ എക്‌സിക്യൂട്ടീവ് അറിയിക്കുകയായിരുന്നു. കാര്‍ഡ് ബ്ലോക്ക് ചെയ്യാന്‍ എക്‌സിക്യൂട്ടീവിന് നിര്‍ദേശം നല്‍കിയെങ്കിലും ഇതിനോടകം അക്കൗണ്ടണ്ടില്‍നിന്ന് ഒരു ലക്ഷത്തോളം രൂപ നഷ്ടപ്പെട്ടിരുന്നു.