ഖത്തറുമായുള്ള ഉപരോധം ഗള്‍ഫ് രാജ്യങ്ങള്‍ മയപ്പെടുത്തണമെന്ന് അമേരിക്ക

ഖത്തറുമായുള്ള ഉപരോധം ഗള്‍ഫ് രാജ്യങ്ങള്‍ മയപ്പെടുത്തണമെന്ന് അമേരിക്ക. ഖത്തറിനെതിരായ നടപടികള്‍ മയപ്പെടുത്തണമെന്ന് അമേരിക്ക, സൗദിയോടും യു.എ.ഇയോടും ബഹ്‌റൈനോടും ഈജിപ്തിനോടും ആവശ്യപ്പെട്ടു. ഇത് കടുത്ത മാനുഷീക പ്രത്യാഘാതങ്ങള്‍ക്ക് കാരണമാകുമെന്ന് അമേരിക്കന്‍ വിദേശകാര്യ സെക്രട്ടറി റെക്‌സ് ടില്ലെഴ്‌സണ്‍ പറഞ്ഞു. ഇത്തരം നടപടികള്‍ അമേരിക്കയുടെ നേതൃത്വത്തില്‍ നടക്കുന്ന ഐ.എസ് വിരുദ്ധ പോരാട്ടത്തെ ദുര്‍ബലപ്പെടുത്തുമെന്നും വിലയിരുത്തിയിരുന്നു.