കുടിയേറ്റം പ്രസിഡന്റിന് വണ്‍മാന്‍ ഷോ കളിക്കാനുള്ള വിഷയമല്ലെന്ന് കോടതി

ആറ് മുസ്ലീം രാജ്യങ്ങളില്‍ നിന്നുള്ള ആളുകള്‍ക്ക് യാത്രവിലക്ക് ഏര്‍പ്പെടുത്തിയ ട്രംപിന്റെ നടപടിക്ക് യുഎസ് അപ്പീല്‍ കോടതിയുടെ വിലക്ക്. ഇതുമായി ബന്ധപ്പെട്ട ഫെഡറല്‍ കോടതി വിധിക്കെതിരെ ഹവായ് സംസ്ഥാനം നല്‍കിയ ഹരജിയിലാണ്, ട്രംപിന്റെ ഉത്തരവ് വിവേചനപരമെന്ന് ചൂണ്ടിക്കാട്ടി ഒമ്പതാം സര്‍ക്യൂട്ട് അപ്പീല്‍ കോടതി വിലക്കേര്‍പ്പെടുത്തിയത്. മൂന്ന് ജഡ്ജിമാരുള്ള പാനലിലാണ് വിധിച്ചത്.

പ്രസിഡന്റിനെതിരെ കോടതി രൂക്ഷ വിമര്‍ശനമുയര്‍ത്തുകയും ചെയ്തിരുന്നു. ട്രംപ് അമേരിക്കയുടെ കുടിയേറ്റ നിയമത്തിന്റെ ലംഘനമാണെന്നും വിവേചനപരമാണെന്നും ജഡ്ജി പറഞ്ഞു. ഇത് പ്രസിഡന്റിന് വണ്‍ മാന്‍ ഷോയ്ക്കുള്ള വിഷയമല്ലെന്നും കോടതി ചൂണ്ടിക്കാണിച്ചു.