ലണ്ടനില്‍ മോസ്‌കിനു പുറത്ത് കാല്‍ നടക്കാര്‍ക്കിടയിലേക്ക് കാര്‍ പാഞ്ഞു കയറി നിരവധി പേര്‍ക്ക് പരിക്ക്

വടക്കന്‍ ലണ്ടനിലെ ഫിന്‍സ്‌ബെറിപാര്‍ക്കിനു സമീപം സെവന്‍ സിസ്റ്റേഴ്‌സ് റോഡില്‍ മോസ്‌ക്കിനു പുറത്ത് വിശ്വാസികള്‍ക്ക് നേരേ വാനിടിച്ചു കയറി നിരവധി പേര്‍ക്ക് പരിക്ക്.സംഭവവുമായി ബന്ധപ്പെട്ട് ഒരാളേ ലണ്ടന്‍ പൊലീസ് അറസ്റ്റു ചെ.യ്തു.പ്രാദേശിക സമയം 12:20 ഓടെയാണ് സംഭവം.നോമ്പു തുറന്നിതുനു ശേഷം നടന്ന പ്രാര്‍ത്ഥനയില്‍ പങ്കെടുത്ത് പുറത്തേക്കു വന്ന വിശ്വാസികളുടെ ഇടയിലേക്കാണ് വാന്‍ പാഞ്ഞുകയറിയത്

ബ്രിട്ടനില്‍ തുടര്‍ന്നു വരുന്ന ഭീകരാക്രമണ പരമ്പരയുടെ പശ്ചാത്തലത്തിലാണ് ഇന്നലെ വീണ്ടും ദുരന്തമുണ്ടായിരിക്കുന്നത്.ഈ മാസം മൂന്നാം തിയതിയാണ് ഭീകരാക്രമണത്തില്‍ ലണ്ടനില്‍ കാല്‍ നടക്കാരുടെ ഇടയിലേക്ക് വാഹനം കയറ്റിയും ജനങ്ങളെ കുത്തിപ്പരിക്കേല്‍പിച്ചും 8 പേരുടെ മരണത്തിനും നിരവധി പേര്‍ക്ക് പരിക്കുമെറ്റ ദുരന്തമുണ്ടായത്.അതിനു മുന്‍പ് നിശാ ക്ലബിലെ സംഗീത പരിപാടിക്കിടയില്‍ നടന്ന ചാവേറാക്രമണത്തില്‍ നിരവധി പേര്‍ കൊല്ലപ്പെട്ടു.മാര്‍ച്ചില്‍ ലണ്ടന്‍ പാര്‍ലമെന്റിനു സമീപം നടന്ന ഭീകരാക്രമണത്തില്‍ ഒരു പൊലീസുകാരനുള്‍പ്പടെ അഞ്ചു പേര്‍ കൊല്ലപ്പെട്ടിരുന്നു.