ഡല്‍ഹിയിലും സ്വാമി മോഡല്‍ ,യുവാവിന് ലിംഗം നഷ്ടമായി

തിരുവനന്തപുരത്ത് പീഡിപ്പിക്കാന്‍ ശ്രമിച്ച സ്വാമിയുടെ ജനനേന്ദ്രിയാണ് യുവതി മുറിച്ചതെങ്കില്‍,ഡല്‍ഹിയില്‍ അടുപ്പക്കാരനായ യുവാവ് വിവാഹത്തിന് സമ്മതം മൂളാത്തതിനെ തുടര്‍ന്നാണ് ലിംഗം ച്ഛേദിച്ചത്.ലിംഗച്ഛേദനത്തിന് ഇരയായ യുവാവിനെ ആശുപത്രിയില്‍ പ്രവേശിപ്പിച്ചെങ്കിലും അപകട നില തരണം ചെയ്തിട്ടില്ല.ഇയാളുടെ ലിംഗം തുന്നിച്ചേര്‍ക്കുന്ന ശസ്തക്രിയ പൂര്‍ണ വിജയമാകാന്‍ സാധ്യതയില്ലെന്നാണ് ഡോക്ടര്‍മാര്‍ നല്‍കുന്ന വിവരം. 35 കാരനായ തെരുവുകച്ചവടക്കാരനായ യുവാവും 22 കാരിയായ യുവതിയും തമ്മില്‍ നേരത്തേ അടുപ്പമുണ്ടായിരുന്നു.എന്നാല്‍ ഈ ബന്ധം വിവാഹത്തിലെത്തിക്കുന്നതില്‍ താല്‍പര്യമില്ലാതിരുന്ന യുവാവ് യുവതിയില്‍ നിന്ന് അകന്നു കഴിയുകയായിരുന്നു.ഇയാളുടെ കുടുംബവും ഈ ബന്ധത്തില്‍ താല്‍പര്യമെടുത്തിരുന്നില്ല

എന്നാല്‍ ഇന്ന് യുവതിയുടെ സഹോദര ഭാര്യ ഇയാളെ ഇവര്‍ താമസിക്കുന്ന ഫ്‌ലാറ്റിലേക്ക് വിളിച്ചു വരുത്തി.അവിടെയുണ്ടായിരുന്ന യുവതി ഇയാളോട് വീണ്ടും വിവാഹാഭ്യര്‍ത്ഥന നടത്തി.എന്നാല്‍ താല്‍പര്യമില്ല എന്ന് പറഞ്ഞൊഴിഞ്ഞ ഇയാളെ വിവസ്ത്രനാക്കി കുളിമുറിയില്‍ തള്ളിയിട്ട ശേഷം ലൈംഗിക ബന്ധത്തിനു നിര്‍ബന്ധിച്ചെങ്കിലും യുവാവ് വഴങ്ങിയില്ല.തുടര്‍ന്ന് യുവതി അടുക്കളയില്‍ നിന്ന് കത്തിയെടുത്ത് കൊണ്ടു വന്ന് ഇയാളുടെ ജനനേന്ദ്രിയം ച്ഛേദിക്കുകയായിരുന്നെന്നാണ് യുവാവിന്റെ മൊഴി.ഈ സമയമെല്ലാം യുവതിയുടെ സഹോദരനും ഭാര്യയും യുവതിയ്ക്ക് പ്രോല്‍സാഹനം നല്‍കിയെന്നാണ് പൊലീസ് പറയുന്നത്.

രക്തം വാര്‍ന്നൊഴുകിയ യുവാവ് വീട്ടില്‍ നിന്ന് രക്ഷയ്ക്കായി പുറത്തേക്കോടിയപ്പോള്‍ അയല്‍വാസികളാണ് പോലീസിനെ വിവരം അറിയിച്ചത്. പോലീസ് എത്തിയപ്പോഴേക്കും യുവാവ് ബോധരഹിതനായിരുന്നു. ഏതാനും വര്‍ഷം മുമ്ബാണ് ഇരുവരും പ്രണയത്തിലാവുന്നത് എന്നാല്‍ വീട്ടുകാരുടെ തടസ്സം മൂലം വിവാഹത്തില്‍ നിന്ന് യുവാവ് പിന്‍മാറുകയായിരുന്നുവെന്ന് പോലീസ് പറയുന്നു. മനപ്പൂര്‍വ്വം ഒരാളെ വേദനിപ്പിക്കാന്‍ ആയുധം കൈവശം വെച്ചതിന് സെക്ഷന്‍ 326 പ്രകാരം യുവതിക്കെതിരെ പോലീസ് കേസെടുത്തു.യുവതിയും കുടുംബവും സംഭവത്തിനു ശേഷം ഒളിവിലാണ്. യുവതിയെയും കുടുംബത്തെയും കണ്ടെത്താനുള്ള ശ്രമത്തിലാണ് പോലീസ്