പാക്കിസ്ഥാനില്‍ ഓയില്‍ ടാങ്ക് പൊട്ടിത്തെറിച്ച് വന്‍ അപകടം:110 പേര്‍ വെന്തു മരിച്ചു

പാക്കിസ്ഥാനിലെ പഞ്ചാബ് പ്രവശ്യയില്‍ ബഹവല്‍പൂരിലെ അഹമ്മദ്പൂര്‍ ഷിര്‍ക്കിയില്‍ ഇന്നു പുലര്‍ച്ചെ ഇന്ധന ടാങ്ക് പൊട്ടിത്തെറിച്ച് വന്‍ അപകടം നടന്നതായി റിപ്പോര്‍ട്ട്.അപകടത്തില്‍ 110 പേരോളം കൊല്ലപ്പെട്ടതായും ,80 ലധികം പേര്‍ക്ക് പരിക്കേറ്റതായും വാര്‍ത്താ ഏജന്‍സി റിപ്പോര്‍ട് ചെയ്തു.ഇവരില്‍ പലരുടെയും നില അതീവ ഗുരുതരമാണ്.മുള്‍ട്ടാനിലെ നിന്ന് 100 കിലോമീറ്റര്‍ അകലെ ദേശീയ പാതയിലാണ് സംഭവം നടന്നത്.കറാച്ചിയില്‍ നിന്ന് ലാഹോറിലേക്ക് പോകും വഴിയാണ് അപകടം നടന്നത്.

അമിത വേഗതയിലായിരുന്ന ടാങ്കര്‍ ലോറി നിയന്ത്രണം വിട്ടതാണ് അപകടത്തിന് കാരണമായതെന്നു കരുതുന്നു.നഗരത്തിലേ തിരക്കേറിയ സ്ഥലത്തു വെച്ചാണ് അപകടം നടന്നത്.ഇത് അപകടത്തിന്റെ ആക്കം വര്‍ദ്ധിക്കുന്നതിനിടയാക്കിയിട്ടുണ്ടെന്ന് പാക് മാധ്യമങ്ങള്‍ റിപ്പോര്‍ട് ചെയ്യുന്നു.ഇന്ധന ടാങ്കറിന് ചോര്‍ച്ച സംഭവിച്ചതാകാം അപടത്തിന് കാരണമെന്ന് കരുതുന്നു.അപകട സ്ഥലത്ത് പുകവലിച്ചിരുന്നതായും മാധ്യമങ്ങള്‍ റിപ്പോര്‍ട് ചെയ്യുന്നു.

അപകടം നടന്നയുടന്‍ മറിഞ്ഞ ലോറിയില്‍ നിന്ന് ആളുകള്‍ ഇന്ധനം ശേഖരിക്കാന്‍ ഓടിക്കൂടിയതും മരണസംഖ്യ ഉയരാന്‍ ഇടയാക്കിയിട്ടുണ്ട്.12 ഓളം ബൈക്കുകളും ആറോളം കാറുകളും അപകടസ്ഥലത്ത് കത്തി നശിച്ചു.ഹെലികോപ്റ്റര്‍ ഉപയോഗിച്ചും രക്ഷാപ്രവര്‍ത്തനം നടത്തുന്നുണ്ട്.