നടിയെ ആക്രമിച്ച സംഭവം ചര്‍ച്ചയായില്ലെന്ന് ഇന്നസെന്റ്

അമ്മയുടെ യോഗത്തില്‍ നടിയെ ആക്രമിച്ച സംഭവം ചര്‍ച്ചയായില്ലെന്ന് പ്രസിഡന്റ് ഇന്നസെന്റ്. മാധ്യമ പ്രവര്‍ത്തകരുടെ ചോദ്യങ്ങള്‍ക്ക് മറുപടി നല്‍കാന്‍ കോടതിയുടെ പരിഗണനയിലുള്ള വിഷയമായതിനാല്‍ പരസ്യ പ്രസ്താവന നല്‍കാന്‍ പാടില്ലെന്ന് പോലീസിന്റെയും മുഖ്യമന്ത്രിയുടെയും ഭാഗത്തുനിന്ന് നിര്‍ദേശമുണ്ടെന്ന് ഇന്നസെന്റ് അറിയിച്ചു.

ദിലീപിനെതിരെ മാധ്യമങ്ങള്‍ ഉന്നയിക്കുന്ന പോലെ ആരോപണങ്ങളില്‍ തങ്ങള്‍ വിശ്വസിക്കുന്നില്ലെന്ന് നടന്‍ കെ.ബി ഗണേഷ്‌കുമാര്‍ പറഞ്ഞു. കേസിനെ കുറിച്ച് മാധ്യമപ്രവര്‍ത്തകര്‍ ആവര്‍ത്തിച്ച് ചോദിച്ചതോടെ അമ്മ ഭാരവാഹികള്‍ പൊട്ടിത്തെറിച്ചു. അനാവശ്യ ചോദ്യങ്ങള്‍ വേണ്ടെന്ന് മുകേഷ് നിര്‍ദേശിച്ചു. അമ്മയുടെ മക്കളെ ആരേയും ഒറ്റപ്പെടുത്തി വേട്ടയാടാന്‍ അനുവദിക്കില്ലെന്ന് ഇവര്‍ പറഞ്ഞു. ആടിനെ പട്ടിയാക്കി, അതിനെ പേപ്പട്ടിയാക്കി, തല്ലിക്കൊല്ലുതെന്ന് ഗണേഷ് പറഞ്ഞു. നിങ്ങള്‍ എന്തു തന്നെ പറഞ്ഞാലും അമ്മ ഒറ്റക്കെട്ടാണ്. അംഗങ്ങളെ തള്ളിപ്പറയില്ല. എന്തുപ്രശ്‌നമുണ്ടായാലും സംരക്ഷിക്കുമെന്നും ഗണേഷ് വ്യക്തമാക്കി. .