ദിലീപിന്റെയും നാദിര്‍ഷയുടെയും പത്തു വര്‍ഷത്തെ ഭൂമിയിടപാടുകള്‍ സംശയനിഴലില്‍ ; കൂടുതല്‍ ചോദ്യം ചെയ്യല്‍ ഉണ്ടാകും

പ്രമുഖ നടിയെ ആക്രമിച്ച കേസിന്റെ അന്വേഷണം സിനിമ രംഗത്തേയ്ക്ക്. സിനിമരംഗത്തു നിന്നുള്ള കൂടുതല്‍ പേരെ ചോദ്യം ചെയ്യാന്‍ പോലീസ് ഒരുങ്ങുന്നതായാണ് പുറത്തുവരുന്ന സൂചനകള്‍.

അതിനു പിന്നാലെപ ദിലീപിന്റെയും നാദിര്‍ഷായുടെയും കഴിഞ്ഞ പത്തു വര്‍ഷത്തെ ഭൂമയിടപാടുകള്‍ സംശയത്തിന്റെ നിഴലില്‍. ഈ ഭൂമിയിടപാടുകള്‍ പോലീസ് ഉടന്‍ പരിശോധിക്കും. ദിലീപിനെയും നാദിര്‍ഷായേയും ദിലീപിന്റെ മാനേജര്‍ അപ്പുണ്ണിയേയും കഴിഞ്ഞ ദിവസം 13 മണിക്കൂറോളമാണ് പോലീസ് ചോദ്യം ചെയ്തത്.

ഇവരുടെ മൊഴികള്‍ തമ്മിലുള്ള പൊരുത്തക്കേടുകളും പോലീസ് വിശദമായി അന്വേഷിക്കുന്നുണ്ട്. ഇവര്‍ ഭൂമി യിടപാടുകള്‍ നടത്തിയ സമയത്ത് ഇരുവര്‍ക്കും അതിനുള്ള സാമ്പത്തിക ശേഷി ഉണ്ടായിരുന്നോ, ആരെക്കെയാണ് ഇടപാടുകളില്‍ പങ്കാളികളായത് ഉള്‍പ്പെടെയുള്ള കാര്യങ്ങള്‍ വിശദമായി പരിശോധിക്കാനാണ് നീക്കം. ഇരുവരുടെയും ബാങ്ക് അക്കൗണ്ട് വിവരങ്ങളും പോലീസ് തേടുന്നുണ്ട്.