കുടുംബാസൂത്രണത്തിന് യുപി സര്‍ക്കാരിന്റെ പുതിയ പദ്ധതി കേട്ടാല്‍ ആരും ഞെട്ടും

കുടുംബാസൂത്രണത്തിന് യുപി സര്‍ക്കാരിന്റെ പുതിയ പദ്ധതി കേട്ടാല്‍ ആരും ഞെട്ടും. നവവധൂവരന്മാര്‍ക്ക് വിവാഹ ചടങ്ങില്‍ വെച്ചു തന്നെ കുടുംബാസൂത്രണവും സുരക്ഷിത ലൈംഗികതയുമായി ബന്ധപ്പെട്ട വിവരങ്ങളും അടങ്ങിയ കിറ്റ് വിതരണം ചെയ്യുന്ന പദ്ധതിയാണ് ഇപ്പോള്‍ ഏറെ ചര്‍ച്ചയായിരിക്കുന്നത്‌. കുടുംബാസൂത്രണവും സുരക്ഷിത ലൈംഗികതയും പ്രോത്സാഹിപ്പിക്കുന്നതിന്റെ ഭാഗമായിട്ടുള്ള നടപടി തൊട്ടടുത്തുള്ള ആശാ വര്‍ക്കര്‍മാര്‍ വഴിയാണ് നടപ്പിലാക്കുന്നത്.

നവദമ്പതികള്‍ക്ക് ഗര്‍ഭനിരോധന ഉറകള്‍ ഗുളികകള്‍, ഒരു പായ്ക്കറ്റ് ടവല്‍, ഹാന്‍ഡ് കര്‍ച്ചീഫ്, നഖംവെട്ടി, ചീപ്പ്, കണ്ണാടി തുടങ്ങിയ വസ്തുക്കളുമുണ്ട്. ഇതിശനല്ലാം പുറമേ സുരക്ഷിത ലൈംഗികതയും കുടുംബാസൂത്രണവും വിഷയമായ ലഘു വിവരങ്ങളും അടങ്ങുന്നതാണ് കിറ്റ്. മിഷന്‍ പരിവാര്‍ വികാസ് എന്ന പേരില്‍ തുടങ്ങാനിരിക്കുന്ന പദ്ധതി ലോക ജനസംഖ്യാ ദിനമായ ജൂലൈ 11 മുതലാണ് ഉത്തര്‍പ്രദേശ് നടപ്പിലാക്കുന്നത്.