മാതാപിതാക്കളെ കൊന്ന വിവരം ജേഷ്ഠനോട് പറഞ്ഞത് നിര്‍വ്വികാരനായി

മാതാപിതാക്കളെ കൊന്ന് കിണറ്റില്‍ തള്ളിയ സംഭവത്തില്‍ വിദേശത്തുള്ള ജേഷ്ഠനോട് താന്‍ കൃത്യം നടത്തിയ വിവരം മജോ പറഞ്ഞത് നിര്‍വ്വികാരനായി.

കഴിഞ്ഞ മാസം 25-നായിരുന്നു സംഭവം. ദമ്പതികളെ കാണാതായതിനെത്തുടര്‍ന്ന് സമീപത്തു താമസിക്കുന്ന ബന്ധുക്കള്‍ അന്വേഷിച്ചെങ്കിലും ഇരുവരും പോട്ടയില്‍ ധ്യാനത്തിനു പോയെന്നായിരുന്നു മജോയുടെ മറുപടി. ഇവരുടെ മൊെബെല്‍ ഫോണിലേക്കു വിളിക്കാന്‍ ബന്ധുക്കള്‍ ശ്രമിച്ചെങ്കിലും ഫലമുണ്ടായില്ല. ഒരാഴ്ച കഴിഞ്ഞപ്പോഴേക്കും ബന്ധുക്കള്‍ അന്വേഷണം തുടങ്ങി. ലിജോയുടെ ഭാര്യ ഷിബി ജോണ്‍ അന്വേഷിച്ചെത്തിയെങ്കിലും മജോ വ്യക്തമായ മറുപടി നല്‍കിയില്ല. അച്ഛനമ്മമാരെ കാണാനില്ലെന്ന വിവരം പോലീസിനെ അറിയിക്കുമെന്ന് ഖത്തറിലുള്ള മൂത്ത സഹോദരന്‍ വര്‍ഗീസ് ജോണ്‍ ഫോണിലൂടെ അറിയിച്ചതോടെയായിരുന്നു മജോ കാര്യം പറഞ്ഞത്. തൊട്ടുപിന്നാലെ മജോ പന്തളം പോലീസ് സ്‌റ്റേഷനിലെത്തി കുറ്റമേറ്റു പറയുകയും ചെയ്തു.