തന്നെ ഒതുക്കാന്‍ കോണ്‍ഗ്രസ് ശ്രമിച്ചിരുന്നു ; എന്നിട്ട് ഒരു പുല്ലും സംഭവിച്ചില്ലെന്ന്‌ എം.എം മണി

പി.ടി തോമസിനെതിരെ മന്ത്രി എം.എം മണി. ദേവികുളം സബ് കലക്ടര്‍ ശ്രീറാം വെങ്കിട്ടരാമന്റെ സ്ഥലം മാറ്റത്തിനു പിന്നില്‍ ഗൂഢാലോചന നടത്തിയത് എം.എം മണിയും, ജോയ്‌സ് ജോര്‍ജ് എംപിയുമാണെന്ന പി.ടി തേമാസ് എംഎല്‍എ യുടെ ആരോപണങ്ങള്‍ക്കെതിരെയാണ് മണി ആഞ്ഞടിച്ചത്. ചെറ്റത്തരം പറയുന്ന പൊതുപ്രവര്‍ത്തകനായ പി.ടി നിയമസഭയിലും ശല്യമാണെന്ന് മണി പറഞ്ഞു.

തന്നെ ഒതുക്കാന്‍ പി.ടി. തോമസ്, ഉമ്മന്‍ചാണ്ടി, തിരുവഞ്ചൂര്‍ രാധാകൃഷ്ണന്‍ എന്നിവരുള്‍പ്പെടുന്ന കോണ്‍ഗ്രസ് ത്രയം ശ്രമിച്ചിരുന്നു. എന്നാല്‍ ഒരു കോപ്പും നടന്നില്ല. തനിക്കൊരു പുല്ലും സംഭവിച്ചില്ലെന്നും മണി പറഞ്ഞു.nകൊട്ടാക്കമ്പൂരില്‍ ഭൂമി കൈയേറിയ പെരുമ്പാവൂരിലെ റോയല്‍ അഗ്രികള്‍ച്ചര്‍ കമ്പനിയുമായി മണിക്കുള്ള ബന്ധം അന്വേഷിക്കണമെന്നും പി.ടി ആരോപിച്ചിരുന്നു. അതിനു മറുപടിയായി കൊട്ടാക്കമ്പൂരില്‍ ഭൂമിയുണ്ടെങ്കില്‍ പി.ടി തോമസിന് അത് സൗജന്യമായി നല്‍കാമെന്നും എംഎം മണി കൂട്ടിച്ചേര്‍ത്തു.