മണിയുടെ മരണം : ദിലീപിനെതിരേ ആരോപണവുമായി ആര്‍എല്‍വി രാമകൃഷ്ണന്‍

കലാഭവന്‍ മണിയുടെ മരണത്തില്‍ ദിലീപിനെതിരേ ആരോപണവുമായി മണിയുടെ സഹോദരന്‍ ആര്‍എല്‍വി രാമകൃഷ്ണന്‍. ദിലീപുമായി മണിക്ക് ഭൂമിയിടപാടുകള്‍ ഉണ്ടായിരുന്നതാണ് സംശയത്തിന് കാരണമെന്ന് രാമകൃഷ്ണന്‍ ഒരു ചാനലിന് നല്‍കിയ അഭിമുഖത്തില്‍ വ്യക്തമാക്കി. ദിലീപിനും മണിക്കും രാജാക്കാടും മൂന്നാറും റിയല്‍ എസ്‌റ്റേറ്റ് ബന്ധങ്ങള്‍ ഉണ്ടായിരുന്നു. ഇക്കാര്യത്തില്‍ നേരത്തേയും സംശയമുണ്ടായിരുന്നെന്ന് ദിലീപിന്റെ പങ്കിനെക്കുറിച്ച് സിബിഐ യോട് പറഞ്ഞെന്നും രാമകൃഷ്ണന്‍ വ്യക്തമാക്കി.

കലാഭവന്‍ മണി മരിച്ചതിന് പിന്നാലെ ദിലീപ് വീട്ടില്‍ എത്തിയത് ഒരേയൊരു തവണ മാത്രമായിരുന്നെന്നും രാമകൃഷ്ണന്‍ പറഞ്ഞു. നേരത്തേ കേസ് അന്വേഷിച്ച പോലീസിനെയും ഇക്കാര്യം പറഞ്ഞെങ്കിലും അവര്‍ ഗൗരവമായി പരിഗണിച്ചില്ലെന്നും സംഭവത്തില്‍ ക്വട്ടേഷന്‍ സംഘത്തിന്റെ സാധ്യത തള്ളിക്കളയാനാവില്ലെന്നും രാമകൃഷ്ണന്‍ പറഞ്ഞു.