ജോലിയിലെ അരക്ഷിതാവസ്ഥ : സോഫ്റ്റ് വെയര്‍ എഞ്ചിനിയര്‍ കെട്ടിടത്തില്‍ നിന്ന് ചാടി ജീവനൊടുക്കി

ഐ.ടി മേഖലയിലെ അരക്ഷിതാവസ്ഥയില്‍ നിരാശനായ യുവ സോഫ്റ്റ് വെയര്‍ എഞ്ചിനിയര്‍ ഹോട്ടലിന്റെ മുകളില്‍ നിന്ന് ചാടി ജീവനൊടുക്കി. ആന്ധ്രാപ്രദേശ് സ്വദേശിയായ ഗോപികൃഷ്ണ ദുര്‍ഗപ്രസാദ് (25) ആണ് പൂനെയിലെ വിമന്‍ നഗറില്‍ ആത്മഹത്യ ചെയ്തത്. മുന്‍പ് ഡല്‍ഹിയിലും ഹൈദരാബാദിലും ജോലി ചെയ്തിരുന്ന ഇയാള്‍ നാലു ദിവസം മുന്‍പാണ് പൂനെയില്‍ എത്തിയത്.

നാലു നില കെട്ടിടത്തില്‍ നിന്നും ചാടുന്നതിനു മുന്‍പ് ഇദ്ദേഹം കൈത്തണ്ടയും മുറിച്ചിരുന്നു. ആത്മഹത്യ കുറിപ്പും സ്ഥലത്തുനിന്നും കണ്ടെത്തിയിട്ടുണ്ട്. ഐ.ടി മേഖലയില്‍ തൊഴില്‍ സുരക്ഷയില്ലെന്നും അതുകൊണ്ട് തന്റെ കുടുംബത്തെ വേണ്ടപോലെ സംരക്ഷിക്കാന്‍ തനിക്ക് കഴിയുന്നില്ലെന്നും ആത്മഹത്യാക്കുറിപ്പില്‍ പറയുന്നു.