ഇന്ത്യയിലെ ആദ്യത്തെ സോളാര്‍ ഡെമു പ്രവര്‍ത്തനം ആരംഭിച്ചു

രാജ്യത്തെ ആദ്യത്തെ സൗരോര്‍ജ ഡിസല്‍ ഇലക്ട്രിക്കല്‍ മള്‍ടിപ്പിള്‍ യുണിറ്റ് (ഡെമു) ട്രെയിന്‍ ഇന്ത്യന്‍ റെയില്‍വെ അവതരിപ്പിച്ചു. ഡല്‍ഹിയിലെ സരായ് റോഹില്ല സ്റ്റേഷനില്‍ നിന്നും ഹരിയാനയിലെ ഫറൂഖ് നഗറിലേക്കുള്ള റൂട്ടിലായിരിക്കും ട്രെയിന്‍ സര്‍വീസ് നടത്തുന്നത്.

ലോകത്തില്‍ തന്നെ ഇതാദ്യമായാണ് റെയില്‍വെയില്‍ ഗ്രിഡ് ആയി സോളാര്‍ പാനലുകള്‍ ഉപയോഗിക്കുന്നത്. ട്രെയിനിന്റെ ആറ് കോച്ചുകളിലായി 16 സോളാര്‍ പനലുകളാണ് സ്ഥാപിച്ചിട്ടുള്ളത്. ഒരോ പാനലുകളും 300 വാട്ട് പീക്ക് ശേഷിയുള്ളതാണ്. മോഡി സര്‍ക്കാരിന്റെ മെയ്ക്ക് ഇന്‍ ഇന്ത്യ പദ്ധതിക്ക് കീഴില്‍ വികസിപ്പിച്ച ഈ ട്രെയിനിന് 54 ലക്ഷം രൂപയാണ് ചിലവ് വന്നിരിക്കുന്നത്.