ആര്‍ എസ് എസ് പ്രവര്‍ത്തകന്റെ കൊലപാതകം : ആറു പേരും പോലീസ് പിടിയില്‍

തിരുവനന്തപുരത്ത് ആര്‍ എസ് എസ് പ്രവര്‍ത്തകനെ കൊലപ്പെടുത്തിയ സംഭവവുമായി ബന്ധപ്പെട്ട് മുഖ്യപ്രതികളെ പൊലീസ് പിടികൂടി. പ്രധാന പ്രതിയായ മണിക്കുട്ടന്‍ ഉള്‍പ്പെടെയുള്ള ആറുപേരെ ഡിവൈഎസ്പി പ്രമോദ് കുമാറിന്റെ നേതൃത്വത്തിലുള്ള പ്രത്യേക അന്വേഷണ സംഘമാണ് പിടികൂടിയത്. പിടിയിലായ മണിക്കുട്ടന്‍ കാപ്പാ നിയമപ്രകാരം ജയിലിലായിരുന്നു. കൂടുതല്‍ അന്വേഷണം നടത്തുകയാണെന്നും പൊലീസ് അറിയിച്ചു.

ഇതില്‍ മണിക്കുട്ടന്റെ പേരില്‍ നേരത്തേയും നിരവധി കേസുകളുണ്ട്. കാപ്പാ പ്രകാരം ശിക്ഷ അനുഭവിച്ചിട്ടുണ്ട്. കാട്ടാക്കട പുലിപ്പാറയില്‍ ഒരു വീട്ടില്‍ ഒളിച്ചിരിക്കുന്നുണ്ടെന്ന് വിവരത്തെത്തുടര്‍ന്ന് പോലീസ് കെട്ടിടം വളഞ്ഞശേഷം പിടികൂടുകയായിരുന്നു. പോലീസില്‍ നിന്നും ഓടിയ ഇവര്‍ പള്ളിയില്‍ അഭയം പ്രാപിക്കുകയും പിന്നീട് വിശ്വാസികളുടെ സഹായത്തോടെയാണ് പിടികൂടിയത്.ആക്രമികള്‍ സഞ്ചരിച്ചുവെന്ന് കരുതുന്ന മുന്നു ബൈക്കുകള്‍ കസ്റ്റഡിയിലെടുത്തിട്ടുണ്ട്. കള്ളിക്കാടിന് സമീപം പുലിപ്പാറയില്‍ നിന്നാണ് ബൈക്കുകള്‍ കണ്ടെത്തിയത്.

ഇന്നലെ രാത്രി പത്തരയോടെ ബൈക്കിലും ഓട്ടോയിലുമായെത്തിയ പതിനഞ്ചസംഘമാണ് ആക്രമണം നടത്തിയത്. ഇവര്‍ സഞ്ചരിച്ച വാഹനം പോലീസ് കണ്ടെത്തിയിട്ടുണ്ട്. വാഹനത്തില്‍ നിന്നും രക്തക്കറയും കണ്ടെത്തിയിട്ടുണ്ട്. ഇന്ന തന്നെ കൂടുതല്‍ അറസ്റ്റുണ്ടായേക്കുമെന്നും പോലീസ് വ്യക്തമാക്കിയിട്ടുണ്ട്. ഹര്‍ത്താലിനെത്തുടര്‍ന്ന ഞായറാഴ്ച നടത്താനിരുന്ന എംഎസ്‌സി നഴ്‌സിംഗ് പ്രവേശന പരീക്ഷ, സംസ്ഥാന അറബിക് ടാലന്റ് ടെസ്റ്റ് എന്നിവ മാറ്റിവച്ചു. പുതുക്കിയ തീയതി പിന്നീട് അറിയിക്കും. കെഎസ്ആര്‍ടി ബസ്സുകള്‍ സര്‍വീസ് നിര്‍ത്തിവച്ചു.