മാധ്യമപ്രവര്‍ത്തകരോടുള്ള മുഖ്യമന്ത്രിയുടെ പെരുമാറ്റം : സി.പി.എം കേന്ദ്ര നേതാക്കള്‍ക്ക് അതൃപ്തി

മാധ്യമപ്രവര്‍ത്തകരോടുള്ള മുഖ്യമന്ത്രി പിണറായി വിജയന്റെ പെരുമാറ്റത്തില്‍ സി.പി.എം കേന്ദ്ര നേതൃത്വത്തിന് കടുത്ത അതൃപ്തി. മുഖ്യമന്ത്രിയുടെ രോഷപ്രകടനം അനാവശ്യമായിരുന്നുവെന്ന് കേന്ദ്ര നേതൃത്വം വിലയിരുത്തി. ഇന്നലെ നടന്ന ഉഭയകക്ഷി ചര്‍ച്ച ഗവര്‍ണറുടെ നിര്‍ദേശപ്രകാരമാണെന്ന പ്രതീതി ഉണ്ടാക്കിയതും ഉചിതമായില്ലെന്നും നേതൃത്വം വിലയിരുത്തി.

സി.പി.എം കേന്ദ്ര നേതാക്കളുടെ നിര്‍ദേശപ്രകാരമാണ് സര്‍വ്വകക്ഷിയോഗം വിളിക്കാന്‍ മുഖ്യമന്ത്രി നിര്‍ബന്ധിതനായത് എന്നും സൂചനയുണ്ട്. മാധ്യമങ്ങളിലൂടെ സര്‍ക്കാര്‍ നിലപാട് അറിയിക്കേണ്ടതായിരുന്നുവെന്നും കേന്ദ്ര നേതൃത്വം വിലയിരുത്തുന്നു. ജനറല്‍ സെക്രട്ടറി സീതാറാം യെച്ചൂരി അടക്കമുള്ളവര്‍ക്ക് മുഖ്യമന്ത്രിയുടെ പെരുമാറ്റത്തില്‍ അതൃപ്തിയുണ്ട്.