ദിലീപ് വീണ്ടും ജാമ്യത്തിനായി ഹൈക്കോടതിയിലേയ്ക്ക്: പൊലീസിന്റെ വാദങ്ങള്‍ നിലനില്‍ക്കില്ലെന്നു സൂചന

നടി ആക്രമിക്കപ്പെട്ട ഗൂഡാലോചന കേസില്‍ ജയിലില്‍ കഴിയുന്ന നടന്‍ ദിലീപ് ജാമ്യത്തിനായി വീണ്ടും ഹൈക്കോടതിയെ സമീപിക്കും.ആദ്യത്തെ ജാമ്യാപേക്ഷ ഹൈക്കോടതി തള്ളിയതിനെ തുടര്‍ന്ന് മുതിര്‍ന്ന അഭിഭാഷകനെ സമീപിച്ച് സുപ്രീം കോടതിയില്‍ ജാമ്യാപേക്ഷ സമര്‍പ്പിക്കുമെന്ന് നേരത്തേ വാര്‍ത്തകള്‍ വന്നിരുന്നു.എന്നാല്‍ ഹൈക്കോടതിയെ തന്നെ സമീപിക്കാനാണ് ഇപ്പോള്‍ നിയമോപദേശം ലഭിച്ചിരിക്കുന്നു.നേരത്തേ ദിലീപിനായി ഹാജരായ മുതിര്‍ന്ന അഭിഭാഷകനായ രാംകുമാറിനെ മാറ്റിയെന്നും സൂചനയുണ്ട്.

ഠനരത്തേ ദിലീപിന് ജാമ്യം നല്‍കരുതെന്ന് പ്രോസിക്യൂഷന്‍ ഹൈക്കോടതിയില്‍ ബോധിപ്പിച്ചിരിക്കുന്ന വാദം പൊളിഞ്ഞതോടെയാണ് വീണ്ടും ഹൈക്കോടതിയെ സമീപിക്കാന്‍ പ്രതിഭാഗം ഒരുങ്ങുന്നത്.

ദിലീപിന്റെ ജാമ്യാപേക്ഷയില്‍ പ്രൊസിക്യൂഷന്‍ എതിര്‍ത്തത്

ഒന്ന് നടിയുടെ ദൃശ്യങ്ങള്‍ ചിത്രീകരിച്ച മൊബൈല്‍ ഫോണ്‍ വീണ്ടെടുത്തിട്ടില്ല,പ്രതി പുറത്തിറങ്ങിയാല്‍ തൊണ്ടി മുതലായ മൊബൈല്‍ ഫോണ്‍ നശിപ്പിക്കാനുള്ള സാഹചര്യമുണ്ടാകും.എന്നാല്‍ മൊബൈല്‍ ഫോണ്‍ നശിപ്പിച്ചെന്ന് കേസിലെ മുഖ്യ പ്രതി പള്‍സര്‍ സുനിലെന്ന സുനില്‍കുമാറിന്റെ ആദ്യ അഭിഭാഷകന്‍ പ്രതീഷ് ചാക്കോയും അയാളുടെ സഹായിയാ രാജു ജോസഫ് എന്നിവര്‍ മൊഴി നല്‍കിയിട്ടുണ്ട്.രണ്ട് ,ദിലീപിന്റെ മാനേജരും ഗൂഡാലോചന കേസില്‍ പ്രതിയുമായ അപ്പുണ്ണി ഒളിവിലാണ്.എന്നാല്‍ അന്വേഷണ സംഘത്തിനു മുന്‍പില്‍ അപ്പുണ്ണി കഴിഞ്ഞ ദിവസം ഹാജരായിരുന്നു.

പ്രോസിക്യൂഷന്‍ വിയര്‍ക്കും

ഈ രണ്ടു വാദങ്ങളും പൊളിഞ്ഞതോടെ ഇനി ദിലീപിന്റെ ജാമ്യ ഹര്‍ജിയെ എതിര്‍ക്കാന്‍ പ്രോസിക്യൂഷന്‍ വിയര്‍ക്കേണ്ടി വരും.പുതിയ അന്വേഷണ തെളിവുകളാകും പ്രോസിക്യൂഷന്‍ ജാമ്യ ഹര്‍ജിയെ എതിര്‍ക്കുന്നതിന് ഉപയോഗിക്കുക.അതിനായി പ്രതിയുടെ സ്വഭാവമടക്കമുള്ള കാര്യങ്ങള്‍ അന്വേഷണ സംഘം അന്വേഷിക്കുന്നുണ്ട്. ഈരണ്ടു വാദങ്ങളും അപ്രസക്തമായതോടെ ദിലീപിന് ജാമ്യം ലഭിക്കാനുള്ള സാഹചര്യമൊരുങ്ങിയിട്ടുണ്ട്