ലോകം വാഴ്ത്തുന്ന മകളുടെ പുസ്തകം വായിക്കാന്‍ അമ്മ ഇംഗ്ലീഷ് പഠിക്കുകയാണ് !

വിദ്യാഭ്യാസം നിഷേധിക്കപ്പെട്ട പെണ്‍കുട്ടികള്‍ക്കു വേണ്ടി സ്വന്തം ജീവന്‍ പോലും അപകടപ്പെടുത്തിയ ലോകം മുഴുവന്‍ ആരാധനയോടെ നോക്കുന്ന പെണ്‍കുട്ടി മലാല യുസഫ്‌സ. അവരുടെ പുസ്തകങ്ങളും അതുപോലെ തന്നെ പ്രചോദനം നല്‍കുന്നതാണ്. എന്നാല്‍ മലാലയുടെ പുസ്തകം ഇതുവരെ അവരുടെ അമ്മ വായിച്ചിട്ടില്ല. അതിനാല്‍ തന്നെ മലാല ഒരു തീരുമാനം എടുത്തു തന്റെ ഏറ്റവും പുതിയ ചിത്രകഥയായ മലാലാസ് മാജിക് പെന്‍സില്‍ എന്ന പുസ്തകത്തിന്റെ ആദ്യ വായനക്കാരി അമ്മ തന്നെ ആയിരിക്കണം.

ഇതോടെ മലാലയുടെ അമ്മ കടുത്ത ഇംഗ്ലീഷ് പഠനത്തിലാണ്. വളരെ സന്തോഷമുണ്ട് ഇംഗ്ലീഷ് പഠിച്ചു കൊണ്ടിരിക്കുന്ന എന്റെ അമ്മയാണ് ഈ പുസ്തകത്തിന്റെ ആദ്യ വായനക്കാരിഎന്ന കുറിപ്പോടെ ഒരു ചിത്രം മലാല തന്നെയാണ് ട്വിറ്ററിലൂടെ പങ്കുവച്ചത്. മലാല യുസഫ്‌സായുടെ രണ്ടാമത്തെ പുസ്തകമാണ് മലാലാസ് മാജിക് പെന്‍സില്‍. ഒക്ടോബറില്‍ പുസ്തകം പുറത്തിറങ്ങും. ഞാന്‍ മലാല എന്ന ആദ്യ പുസ്തകം ഏറെ ശ്രദ്ധിക്കപെട്ടിരുന്നു.