ചികിത്സകിട്ടാതെ മരിച്ച സംഭവം : ആശുപത്രികള്‍ നഷ്ടപരിഹാരം നല്‍കണമെന്ന് ബന്ധുക്കള്‍

കൊല്ലത്ത് തമിഴ്‌നാട് സ്വദേശി ചികിത്സകിട്ടാതെ മരിച്ച സംഭവത്തില്‍ ആശുപത്രികള്‍ നഷ്ടപരിഹാരം നല്‍കണമെന്ന് ബന്ധുക്കള്‍. മുരുകനെ മരണത്തിലേക്ക തള്ളിവിട്ട ആശുപത്രി അധികൃതര്‍ക്കെതിരേ കര്‍ശന നടപടിയെടുക്കണമെന്നും ബന്ധുക്കള്‍ ആവശ്യപ്പെട്ടു.

വെന്റിലേറ്ററുകളുടെ ലഭ്യത സംബന്ധിച്ചും ഡോക്ടര്‍മാരുടെ ഡ്യൂട്ടിസമയം സംബന്ധിച്ചും ആശുപത്രികളോട് റിപ്പോര്‍ട്ട് ആവശ്യപ്പെട്ടു. റജിസ്‌ട്രേഷന്‍ രേഖകളും പിടിച്ചെടുത്തിട്ടുണ്ട്. ആശുപത്രികളിലെ സിസിടിവി ദൃശ്യങ്ങള്‍ പരിശോധന നടത്തുകയും ചെയ്‌തേക്കും. ഇതിനൊപ്പം വെന്റിലേറ്റര്‍ ഒഴിവില്ലെന്ന തിരുവനന്തപുരം മെഡിക്കല്‍കോളേജിന്റെ വാദവും അന്വേഷിക്കുമെന്ന് ആരോഗ്യമന്ത്രി കെ കെ ഷൈലജ പറഞ്ഞു. സുപ്രീംകോടതി വിധിയുടേയും സര്‍ക്കാര്‍ ഉത്തരവിന്റെഞയും ലംഘനമാണിതെന്നും ഇത്തരം സാഹചര്യങ്ങള്‍ ആവര്‍ത്തിക്കപ്പെടാതിരിക്കാന്‍ ട്രോമാ കെയര്‍ സംവിധാനം എല്ലാ ജില്ലകളിലും നടപ്പാക്കുമെന്നും മന്ത്രി പറഞ്ഞു. ചികിത്സ നിഷേധിച്ച ആശുപത്രികള്‍ക്കെതിരേ ശക്തമായ നടപടിയുണ്ടാകുമെന്ന ഡിജിപി ലോക്‌നാഥ് ബഹ്‌റയും വ്യക്തമാക്കി.