ഇന്ത്യചൈന അതിര്‍ത്തിയില്‍ സൈനികര്‍ ഏറ്റുമുട്ടി

ഇന്ത്യയുടെ കിഴക്കന്‍ അതിര്‍ത്തിയായ ലഡാക്കിന്റെ പടിഞ്ഞാറന്‍ ഭാഗത്ത് ഇന്ത്യചൈന അതിര്‍ത്തിയില്‍ സൈനികര്‍ ഏറ്റുമുട്ടി. കല്ലേറ് ഉള്‍പ്പെടെയുള്ള സംഭവങ്ങള്‍ നടന്നതായും ഇരു സൈനികരും മുഖാമുഖം നില്‍ക്കുന്ന ദോക്‌ളാം ഏരിയയില്‍ ഇപ്പോഴും സംഘര്‍ഷത്തിന് അയവ് വന്നിട്ടില്ലെന്ന് റിപ്പോര്‍ട്ടുകളില്‍ പറയുന്നു.

കിഴക്കന്‍ ലഡാക്കിന്റെ വടക്കന്‍ കരയായ പാംഗോങ്ങ് തടാകത്തിന്റെ തീരത്തായിരുന്നു ഏറ്റുമുട്ടല്‍. ഇവിടുത്തെ മൂന്നില്‍ രണ്ടു ഭാഗവും കയ്യടിക്കിയ ചൈന ടീബറ്റ് വഴി ഇന്ത്യയിലേക്ക് കയറാന്‍ ചൊവ്വാഴ്ച രാവിലെ നടത്തിയ ശ്രമമാണ് ഇന്ത്യ തടഞ്ഞത്. ഫിംഗര്‍-4, ഫിംഗര്‍ - 5 പ്രദേശം വഴി ഇന്ത്യന്‍ പ്രദേശത്തേക്ക് കയറാനുള്ള ചൈനീസ് പീപ്പിള്‍സ് ലിബറേഷന്‍ ആര്‍മിയുടെ ശ്രമം രണ്ടു തവണ ഇന്ത്യന്‍ സൈന്യം തടയുകയായിരുന്നു. ഇതേ തുടര്‍ന്നുണ്ടായ സംഘര്‍ഷത്തില്‍ ഇരു സൈനികരും തമ്മില്‍ കയ്യേറ്റവും കല്ലേറും നടന്നതായിട്ടാണ് വിവരം. കല്ലേറില്‍ ഇരു വിഭാഗത്തിലെ സൈനികര്‍ക്കും പരിക്കേറ്റിട്ടുണ്ട്.