കെകെ ഷൈലജയ്‌ക്കെതിരെ പ്രതിഷേധം; പ്രതിപക്ഷം നടുത്തളത്തില്‍ കുത്തിയിരിക്കുന്നു

ആരോഗ്യമന്ത്രി കെകെ ഷൈലജയ്‌ക്കെതിരെ നിയമസഭയില്‍ പ്രതിപക്ഷ ബഹളം. ബാനറുകളും പ്ലക്കാര്‍ഡുകളുമായി എത്തിയ പ്രതിപക്ഷം മന്ത്രിയുടെ രാജി ആവശ്യപ്പെട്ടു കൊണ്ട് സഭയുടെ നടുത്തളത്തില്‍ കുത്തിയിരിക്കുകയാണ്. പ്രതിപക്ഷ ബഹളത്തെ തുടര്‍ന്ന് ചോദ്യോത്തര വേള ബഹളത്തില്‍ മുങ്ങി. നിയമസഭയിലേക്ക് എത്തിയ മന്ത്രിയെ മസ്‌കറ്റ് ഹോട്ടലിന് മുന്നില്‍ വച്ച് കെഎസ്‌യു പ്രവര്‍ത്തകര്‍ കരിങ്കൊടി കാണിച്ചു.

മന്ത്രി രാജിവയ്ക്കണമെന്നാണ് പ്രതിപക്ഷത്തിന്റെ ആവശ്യം. മന്ത്രിയുടെ രാജി ആവശ്യപ്പെട്ട് പ്രതിപക്ഷ എംഎല്‍എമാര്‍ അനിശ്ചിതകാല സമരവും തുടങ്ങിയിരുന്നു. അഞ്ച് പ്രതിപക്ഷ എംഎല്‍എമാരാണ് സമരം ചെയ്യുന്നത്.