സ്വാശ്രയ മെഡിക്കല്‍ പ്രവേശനം;മാതാപിതാക്കള്‍ ആശങ്കയില്ല:സ്‌പോട് അഡ്മിഷന്‍ ഇന്ന്

സ്വാശ്രയ മെഡിക്കല്‍ പ്രവേശനം:മാതാപിതാക്കള്‍ ആശങ്കയില്ല സ്വാശ്രയ മെഡിക്കല്‍ പ്രവേശനം സംബന്ധിച്ച് അനിശ്ചിതത്വം നിലനില്‍ക്കുന്നതിനിടയില്‍ ഇന്ന് സംസ്ഥാനത്തെ 23 കോളേജുകളിലെ സ്‌പോട് അഡ്മിഷന്‍ നടക്കും.അഞ്ചു ലക്ഷം രൂപ ഫീസും ആറു ലക്ഷം രൂപ ബാങ്ക് ഗ്യാരന്റിയുമുള്‍പ്പടെ വിദ്യാര്‍ത്ഥികള്‍ കൈയ്യില്‍ കരുതേണ്ടത്.എന്നാല്‍ ബാങ്ക് ഗ്യാരന്റി സംബന്ധിച്ചുള്ള അനിശ്ചിതത്വം പൂര്‍ണമായി മാറിയിട്ടുമില്ല.

അതേസമയം, ബാങ്ക് ഗ്യാരന്റി സംബന്ധിച്ച പ്രതിസന്ധി പരിഹരിക്കാന്‍ സര്‍ക്കാര്‍ ഇന്ന് ബാങ്കുകളുമായി ചര്‍ച്ച നടത്തും. ബാങ്ക് ഗ്യാരന്റിയുടെ പേരില്‍ ആരുടെയും പ്രവേശനം മുടങ്ങുന്നില്ലെന്ന് ഉറപ്പാക്കാനാണു സര്‍ക്കാരിന്റെ ശ്രമം. സ്വാശ്രയ മെഡിക്കല്‍ കോളജുകളിലെ ബാക്കിയുള്ള സീറ്റുകളിലേക്കുള്ള സ്‌പോട്ട് പ്രവേശനമാണ് ഇന്നുംനാളെയുമായി തിരുവനന്തപുരം മെഡിക്കല്‍കോളജില്‍ നടക്കുന്നത്. ഡിഎം വയനാട്, അല്‍ അസര്‍, മൗണ്ട് സിയോണ്‍ എന്നീ കോളജുകളിലേക്കുള്ള അലോട്ട്‌മെന്റും പ്രവേശനവും ഇതിനൊപ്പം നടക്കും. കണ്ണൂര്‍ അഞ്ചരക്കണ്ടി, പാലക്കാട് കരുണ എന്നീ കോളജുകള്‍ ബാങ്ക് ഗ്യാരണ്ടി വേണ്ട, ബോണ്ട് മതി എന്ന് അറിയിച്ചിട്ടുണ്ട്.