മെക്‌സികോയില്‍ വന്‍ ഭൂചലനം, 32 മരണം

മെക്‌സികോ സിറ്റി: മെക്‌സികോയില്‍ വ്യാഴാഴ്ചയുണ്ടായ ശക്തമായ ഭൂചലനത്തില്‍ 32 പേര്‍ മരിച്ചു. റിക്ടര്‍ സ്‌കെയിലില്‍ 8.1 രേഖപ്പെടുത്തിയ ഭൂചലനത്തെ തുടര്ന്ന്ക ചെറിയ സുനാമി ഉണ്ടായെന്നും നിരവധി കെട്ടിടങ്ങള്ക്ക്‌സ നാശ നഷ്ടം സംഭവിച്ചിട്ടുണ്ടെന്നും അധികൃതര്‍ പറഞ്ഞു.

പതിനായിരത്തോളം ആളുകള്‍ക്ക് ജീവന്‍ നഷ്ടപ്പെട്ട 1985ലെ ഭൂചലനത്തെക്കാള്‍ വലിയ ഭൂകമ്ബമാണിതെന്ന് അധികൃതര്‍ പറഞ്ഞു. തീരദേശമായ പിജിജ്യാപനില്‍നിന്ന് 87കിലോമീറ്റര്‍ അകലെ പസഫിക് സമുദ്രത്തിലാണ് ഭൂകമ്ബത്തിന്റെ പ്രഭവകേന്ദ്രം. 70 കിലോമീറ്റര്‍ ആഴത്തിലാണ് പ്രകമ്ബനമുണ്ടായിരിക്കുന്നതെന്ന് അമേരിക്കന്‍ ജിയോളജിക്കല്‍ സര്വേ് അധികൃതര്‍ പറഞ്ഞു.

23 പേര്‍ മരണപ്പെട്ട ഓക്‌സ്‌കയിലെ ജുചിടനിലാണ് ഭൂകമ്ബം കൂടുതല്‍ നാശം വിതച്ചത്. മിക്കയിടങ്ങളിലും വൈദ്യുതിബന്ധം തകരാറിലായിട്ടുണ്ട്. വൈദ്യുതിബന്ധം ഇല്ലാതായതോടെ ആശുപത്രികളുടെ പ്രവര്‍ത്തനം താളംതെറ്റി. സ്‌കൂള്‍, വീട്, ആശുപത്രി എന്നിവക്ക് കേടുപാട് സംഭവിച്ചു. തീരദേശത്തുള്ളവരോട് സുരക്ഷിത സ്ഥാനത്തേക്ക് നീങ്ങാന്‍ സര്ക്കാ്ര് നിര്‍ദേശം നല്‍കിയിട്ടുണ്ട്.