കടകംപള്ളിയ്ക്ക് ചൈനയിലേക്കുള്ള യാത്രാനുമതി നിഷേധിച്ചത് പ്രോട്ടോക്കോള്‍ പ്രശ്നം മൂലമെന്ന് കേന്ദ്രം

സംസ്ഥാന ടൂറിസം മന്ത്രി കടകംപള്ളിയ്ക്ക് ചൈനയിലേക്കുള്ള യാത്രാനുമതി നിഷേധിച്ചത് പ്രോട്ടോക്കോള്‍ പ്രശ്നം മൂലമെന്ന് കേന്ദ്ര വിദേശകാര്യ സഹമന്ത്രി വി.കെ സിംഗ്. മന്ത്രിയേക്കാള്‍ താഴ്ന്ന റാങ്കിലുള്ള ഉദ്യോഗസ്ഥരുമായാണ് ചര്‍ച്ച നിശ്ചയിച്ചിരുന്നത്. ഇത് രാജ്യത്തിന്റെ അന്തസ്സിന് നിരക്കുന്നതല്ലെന്നും വി.കെ സിംഗ് പറഞ്ഞു.

ടൂറിസവുമായി ബന്ധപ്പെട്ട പരിപാടിക്ക് കടകംപള്ളി സുരേന്ദ്രന് ചൈനാ യാത്രയ്ക്ക് അനുമതി കേന്ദ്രസര്‍ക്കാര്‍ നിഷേധിച്ചത് വിവാദമായിരുന്നു. കാരണം വിശദീകരിക്കാതെയായിരുന്നു അനുമതി നിഷേധിച്ചത്.