ബുള്ളറ്റ് ട്രെയിന്‍ പദ്ധതി അനാവശ്യമെന്ന് ശിവസേന

ഇന്ന് പ്രധാനമന്ത്രി നരേന്ദ്ര മോദിയും ജപ്പാന്‍ പ്രധാനമന്ത്രി ഷിന്‍സോ ആബെയും സംയുക്തമായി തറക്കല്ലിട്ട ഇന്‍ഡ്യയുടെ ആദ്യ ബുള്ളറ്റ് ട്രയിന്‍ പദ്ധതിയ്‌ക്കെതിരെ രുക്ഷ വിമര്‍ശനവുമായി ശിവസേന രംഗത്ത്‌

അഹമ്മദാബാദ്-മുംബൈ ബുള്ളറ്റ് ട്രെയിന്‍ അനാവശ്യമാണ്. മുംബൈയിലെ ലോക്കല്‍ ട്രെയിനുകള്‍ പ്രതിസന്ധിയിലാണെന്നും ഇവിടെ അടിസ്ഥാന പ്രശ്‌നങ്ങള്‍ പരിഹരിക്കുവാന്‍ സാധിക്കുന്നില്ലെന്നും ശിവസേന ആരോപിച്ചു.

വിദര്‍ഭ, മറാത്ത്വാഡ, കൊങ്കണ്‍ റെയില്‍ പദ്ധതികള്‍ക്കാണ് മഹാരാഷ്ട്ര ആവശ്യപ്പെട്ടിരുന്നത്. എന്നാല്‍ ഈ പദ്ധതികളെ അവഗണിക്കുകയായിരുന്നു. തൊഴിലില്ലായ്മ ഇല്ലാതാക്കാന്‍ പദ്ധതിക്ക് കഴിയില്ലെന്നും ശിവസേന കുറ്റപ്പെടുത്തി