കണ്ണന്താനമാണ് താരം : ഇന്ത്യാഗേറ്റില്‍ വൊളന്റിയര്‍മാര്‍ സംഘടിപ്പിച്ചു കൊടുത്ത ‘മാലിന്യം’ നീക്കം ചെയ്ത് മന്ത്രി താരമായി !

കേന്ദ്ര സര്‍ക്കാരിന്റെ 'സ്വഛ് ഹി സേവാ' പരിപാടിയുടെ ഭാഗമായി ഇന്ത്യാ ഗേറ്റും പരിസരവും വൃത്തിയാക്കാനെത്തിയ ടൂറിസം മന്ത്രി അല്‍ഫോന്‍സ് കണ്ണന്താനമാണ് സോഷ്യല്‍ മീഡിയകളിലെ ഇപ്പോഴത്തെ ചര്‍ച്ചാവിഷയം. ഇന്ത്യാ ഗേറ്റിലെ പുല്‍ത്തകിടിയിലും റോഡരികിലും ചവറുകള്‍ കാണാതെ വിഷമിച്ച മന്ത്രിക്ക് വൊളന്റിയര്‍മാര്‍ 'മാലിന്യം' സംഘടിപ്പിച്ചു കൊടുത്തു മുഖം രക്ഷിക്കുകയായിരുന്നു.

കാലി കുടിവെള്ള കുപ്പികളും പാന്‍ മസാല കവറുകളും ഐസ്‌ക്രീം കപ്പുകളും കരിയിലകളും വൊളയിന്റര്‍മാര്‍ കണ്ണന്താനത്തിന് സംഘടിപ്പിച്ചു കൊടുത്തു. മിച്ചം വരുന്ന ഭക്ഷണവും പ്ലാസ്റ്റിക് പാത്രങ്ങളും കുപ്പത്തൊട്ടിയില്‍ മാത്രം നിക്ഷേപിക്കാനുള്ള ഉപദേശവും അദ്ദേഹം നല്‍കി. ഇന്ത്യാ ഗേറ്റും പരിസരവും സദാ ശുചിയാണെങ്കിലും നമ്മള്‍ കൂടുതല്‍ കരുതല്‍ കാണിക്കണമെന്നും മന്ത്രി പറഞ്ഞു.