24 മണിക്കൂറിനുള്ളില്‍ അസമില്‍ മരിച്ചത് എട്ട് നവജാതശിശുക്കള്‍

അസമില്‍ 24 മണിക്കൂറിനുള്ളില്‍ മരിച്ചത് എട്ട് നവജാതശിശുക്കള്‍. അസം ഗുവാഹത്തിയില്‍ നിന്നും 140 കിലോമീറ്റര്‍ അകലെയുള്ള ബര്‍പേട്ടയിലെ ഫക്കറുദീന്‍ അലി അഹമ്മദ് മെഡിക്കല്‍ കോളജിലാണ് സംഭവം.

ബുധനാഴ്ച വൈകിട്ട് നാല് മണിക്കുറില്‍ അഞ്ച് കുട്ടികളും വ്യാഴാഴ്ച മൂന്ന് കുട്ടികളുമാണ് ഇവിടെ മരിച്ചത്. അതീവ ഗുരുതരാവസ്ഥയിലുണ്ടായിരുന്ന കുട്ടികളാണ് മരിച്ചതെന്നാണ് ആശുപത്രി അധികൃതരുടെ വാദം. ജനിച്ച് ദിവസങ്ങള്‍ മാത്രം പ്രായമുള്ള കുട്ടികള്‍ക്ക് തൂക്കം കുറഞ്ഞതുള്‍പ്പടെയുള്ള പ്രശ്‌നങ്ങളുണ്ടായിരുന്നു. ഈ കുട്ടികളാണ് മരിച്ചത്. ഇതാരുടേയും പിഴവുകൊണ്ടല്ലെന്ന് ആശുപത്രി സൂപ്രണ്ട് പ്രഫ. ഡോ. ദിലീപ് കുമാര്‍ ദത്ത പറഞ്ഞു.

കുട്ടികളുടെ മരണങ്ങളുടെ അടിസ്ഥാനത്തില്‍ കുറച്ച് മാസങ്ങളായി ഈ ആശുപത്രിയില്‍ നിന്നും നിരവധി ഡോക്ടര്‍മാരും മറ്റു ജോലിക്കാരും രാജിവയച്ചുവെന്നും റിപ്പോര്‍ട്ടുണ്ട്.