നൈജീരിയന്‍ വംശജന് മര്‍ദ്ധനം; സംഭവത്തില്‍ അഞ്ചു പേര്‍ പിടിയില്‍

ന്യൂഡല്‍ഹി:മോഷ്ടാവെന്നാരോപിച്ച് സന്ദര്‍ശകനായ നൈജീരിയന്‍ യുവാവിനെ ആക്രമിച്ച സംഭവത്തില്‍ അഞ്ചു പേര്‍ പൊലീസ് പിടിയില്‍.സൗത്ത് ഡല്‍ഹിയിലെ മാളവ്യ നഗറിലാണ് സംഭവം നടന്നത്.യുവാവിനെ ഒരു കൂട്ടം ആളുകള്‍ ചേര്‍ന്ന് പോസ്റ്റില്‍ കെട്ടിയിട്ട് ആക്രമിക്കുകയായിരുന്നു.മര്‍ദ്ദനമേറ്റ യുവാവിനെ നേരത്തേ പൊലീസ് അറസ്റ്റു ചെയ്തിരുന്നു.

സെപ്റ്റംബര്‍ 24 ന് പുലര്‍ച്ചെ മാളവ്യ നഗറിലെ കൃഷ്ണകുമാറിന്റെ വീട്ടില്‍ നിന്നായിരുന്നു സംശയാസ്പദമായ സാഹചര്യത്തില്‍ ഇയാളെ നാട്ടുകാര്‍ പിടികൂടിയത്.തുടര്‍ന്ന് ഇയാളെ പോസ്റ്റിന്റെ വിളക്കു കാലില്‍ കെട്ടിയിട്ട് തല്ലി.അടികൊണ്ട് അവശനായ ഇയാള്‍ തന്നെ രക്ഷിക്കണമെന്നാവശ്യപ്പെട്ട് കെഞ്ചുന്നതിന്റെ വീഡിയോ ദൃശ്യങ്ങള്‍ കാണാം.

രക്ഷപ്പെടാനുള്ള ശ്രമത്തിനിടെ വീടിന്റെത പടികളില്‍നിന്നു വീണാണ് ഇയാള്‍ക്കു പരിക്കേറ്റതെന്നായിരുന്നു നാട്ടുകാര്‍ പോലീസിനോട് പറഞ്ഞത്. എന്നാല്‍ പിന്നീട് യുവാവിനെ മര്‍ദ്ദിക്കുന്ന ദൃശ്യങ്ങള്‍ പുറത്തായതോടെയാണ് ആള്‍ക്കൂട്ടം ശിക്ഷ നടപ്പാക്കിയതാണെന്നു വ്യക്തമായത്