ആരുഷി വധം:ഹൈക്കോടതി വിധി ഇന്ന്

ന്യൂഡല്‍ഹി:ആരുഷി തല്‍വാര്‍ വധക്കേസില്‍ ഹൈക്കോടതി വിധി ഇന്ന്.ആരുഷിയുടെ മാതാപിതാക്കള്‍ പ്രതികളായ കേസില്‍ നേരത്തേ ഗാസിയാബാദ് പ്രത്യോക ഇരുവര്‍ക്കും ജീവപര്യന്തം തടവുശിക്ഷ വിധിച്ചിരുന്നു.ഇതിനെതിരെ അവര്‍ സമര്‍പിച്ച ഹര്‍ജിയിലാണ് ഇന്ന് ഹൈക്കോടതി വിധി പറയുന്നത്.ജസ്റ്റിസ് ബികെ നാരായണ,ജസ്റ്റിസ് ഏ കെ മിശ്രഎന്നിവരടങ്ങുന്ന ഡിവിഷന്‍ ബഞ്ചാണ് വിധി പറയുക

2008 മെയിലാണ് ആരുഷിയെ വീടിനുള്ളില്‍ കൊല്ലപ്പെട്ട നിലയില്‍ കണ്ടെത്തിയത്.സംഭവത്തിന്റെ ആദ്യ ദിവസം വീട്ടു ജോലിക്കാരന്‍ ഹേംരാജിനെയാണ് സംശയിച്ചത്.എന്നാല്‍ രണ്ടു ദിവസത്തിനു ശേഷം ഹേംരാജിനെ കൊല്ലപ്പെട്ട നിലയില്‍ വീടിന്റെ ടെറസിനു മുകളില്‍ കണ്ടെത്തുകയായിരുന്നു.

എന്നാല്‍ ആരുഷിയുടേയും ഹേംരാജിന്റെയും വഴിവിട്ട ബന്ധം കാണിനിടയായ മാതാപിതാക്കള്‍ തന്നെയാണ് ഇരുവരേയും കൊലപ്പെടുത്തിയത് എന്നായിരുന്നു സി.ബി.ഐ കോടതിയില്‍ അറിയിച്ചത്. ഇരുവരുെടയും ബന്ധമറിഞ്ഞ് ക്ഷുഭിതനായ രാജേഷ് ഗോള്ഫ് വടികൊണ്ട് ഇവരുടെ തലയില്‍ അടിക്കുകയും തെളിവുകള്‍ മായ്ച്ചുകളയുകയും ചെയ്തതായി അന്വേഷണ സംഘം കണ്ടെത്തി. എന്നാല്‍ തല്വാതര്‍ കുടുംബം കുറ്റക്കാരല്ലെന്നും വെറും സാഹചര്യത്തെളിവുകള്‍ വെച്ചാണ് ഇവര്ക്ക് കുറ്റം ചുമത്തിയതെന്നുമാണ് പ്രതിഭാഗത്തിന്റെ വാദം