ആരുഷി വധക്കേസില്‍ മാതാപിതാക്കള്‍ കുറ്റക്കാരല്ലെന്ന് അലഹാബാദ് ഹൈക്കോടതി

അലഹാബാദ്:ആരുഷി വധക്കേസില്‍ മാതാപിതാക്കള്‍ കുറ്റക്കാരല്ലെന്ന് അലഹാബാദ് ഹൈക്കോടതി.ആരുഷിയുടെ മാതാപിതാക്കളായ രാജേഷ് തല്‍വാറിനെയും നൂപുര്‍ തല്‍വാറിനെയും സംശയത്തിന്റെ ആനുകൂല്യത്തിലാണ് വെറുതെ വിട്ടത്.നേരത്തേ കേസന്വേഷിച്ച പ്രത്യേകസിബിഐ കോടതി നല്‍കിയ ജീവപര്യന്തം ശിക്ഷയ്‌ക്കെതിരെ രാജേഷും നൂപുറും ഹൈക്കോടതിയെ സമീപിക്കുകയായിരുന്നു.

2008മെയ്‌ലാണ് ആരുഷി വീടിന്റെ കിടപ്പുമുറിയില്‍ കൊല്ലപ്പെട്ട നിലയില്‍ കണ്ടെത്തിയത്,വീട്ടു ജോലിക്കാരനായ ഹേംരാജാണ് കൃത്യം നിര്‍വ്വഹിച്ചതെന്നായിരുന്നു ആദ്യം കരുതിയിരുന്നത്.എന്നാല്‍ രണ്ടു ദിവസത്തിനു ശേഷം ഹേംരാജിന്റെ മൃതദേഹം ടെറസില്‍ നിന്നു കണ്ടെത്തിയിരുന്നു.സംഭവത്തില്‍ ആരുഷിയുടെമാതാപിതാക്കളിലേക്ക് സംശയം നീണ്ടു.തുടര്‍ന്ന് ഇവരെ അറസ്റ്റു ചെയ്തു.ആദ്യം സംസ്ഥാന പൊലീസ് അന്വേഷിച്ച കേസ് പിന്നീട് സിബിഐ ഏറ്റെടുത്തു തുടര്‍ന്ന് ആരുഷിയുടെ മാതാപിതാക്കള്‍ മകളെയും വീട്ടുജോലിക്കാരനെയും അരുതാത്ത രീതിയില്‍ കണ്ട സാഹചര്യത്തില്‍ കൊലപ്പെടുത്തുകയായിരുന്നെന്നാണ് സിബഐയുടെ കണ്ടെത്തല്‍.2013 ല്‍ സിബിഐ പ്രത്യേക കോടതി ഇവര്‍ക്ക് ജീവപര്യന്തം ശിക്ഷ വിധിച്ചിരുന്നു.