ഗുരുദാസ്പൂര്‍ ഉപതിരഞ്ഞെടുപ്പില്‍ കോണ്‍ഗ്രസിനു വന്‍ വിജയം

പഞ്ചാബ്:ബോളിവുഡ് നടനും ബിജെപി എം പിയുമായ വിനോദ് ഖന്നയുടെ നിര്യാണത്തെ ഗുരുദാസ്പൂര്‍ ലോക്‌സഭാ മണ്ഡലത്തിലേക്ക് നടന്ന ഉപതിരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ത്ഥി സുനില്‍ ജാക്കര്‍ വിജയിച്ചു.1,93,219 വോട്ടുകള്‍ക്കാണ് ജാക്കര്‍ വിജയിച്ചത്.

കോണ്‍ഗ്രസ് സ്ഥാനാര്‍ത്ഥി 4,56,250 വോട്ടുകള്‍ നേടിയപ്പോള്‍ ബിജെപി 2,74,090 വോട്ടുകള്‍ നേടി. ബിജെപിയുടെ സിറ്റിങ് സീറ്റിലാണ് കോണ്‍ഗ്രസിന്റെ മുന്നേറ്റം.. പിസിസി പ്രസിഡന്റ് സുനില്‍ ജാക്കറാണ് ബിജെപി സ്ഥാനാര്‍ത്ഥി സ്വരണ്‍ സലേറിയക്കെതിരെ മത്സരിച്ചത്. ആംആദ്മി പാര്‍ട്ടിയാണ് മൂന്നാം സ്ഥാനത്ത്. മോദിക്കെതിരായ ജനവികാരമാണ് തെരഞ്ഞെടുപ്പില്‍ പ്രതിഫലിച്ചതെന്ന് മുഖ്യമന്ത്രി അമരീന്ദര്‍ സിംഗ് പറഞ്ഞു. മുന്‍ ലോക്‌സഭാ സ്പീക്കര്‍ ബല്‍റാം ജാക്കറുടെ മകനാണ് സുനില്‍ ജാക്കര്‍. ആറ് മാസം മുന്‍പ് നടന്ന നിയമസഭാ തെരഞ്ഞെടുപ്പില്‍ കോണ്‍ഗ്രസ് വന്‍ വിജയം നേടിയിരുന്നു